"Eldiń aldynda adalmyn". Eks-ministr Omarov málimdeme jasady
«Jaqynda men aýyl sharýashylyǵy ministri retindegi jumysymdy aiaqtadym. Osy múmkindikti paidalana otyryp, Elbasy – elimizdiń Tuńǵysh Prezidenti Nursultan Ábishuly Nazarbaevqa, Qazaqstan Respýblikasynyń Prezidenti Qasym-Jomart Kemeluly Toqaevqa jáne Qazaqstan Respýblikasynyń Premer-ministri Asqar Uzaqbaiuly Maminge Qazaqstannyń agrarlyq salasyn basqarýǵa senim bildirgenim úshin shyn júrekten alǵysymdy bildiremin.
Osy jumys kezeńi men úshin óte jaýapty boldy. Men Qazaqstannyń agroónerkásiptik keshenin odan ári nyǵaitý jáne damytý úshin bar kúsh-jigerimdi salýǵa tyrystym.
Men óz jumysymda árdaiym Qazaqstan halqyna ashyq ári adal qyzmet etý siiaqty ómirlik qaǵidattardy ustandym.
Eshqashan osy printsipterden bas tartpaimyn jáne ketpeimin, árqashan óz halqyma ári qarai qyzmet etýge daiynmyn», – dedi ol.
Eks-ministrdiń sózinshe, AÓK úkimet tarapynan erekshe kóńil men qoldaý bólinýde. Muny aýyl sharýashylyǵy óndirisiniń ósý qarqyny rastaidy, ol 2020 jyldyń qorytyndysy boiynsha 5,7%-dy quraǵan (RB – 4,9%, RF – 1,5%, Armeniia – 1,5%, Qyrǵyzstan-1,1%).
«Munyń bárine salalar arasyndaǵy sýbsidiialaýdaǵy aýytqýlardy joiý jáne shaǵyn jáne orta fermerlerdi qamtý úshin memlekettik qoldaý tetikterin jeńildetý arqyly qol jetkizildi. Qosymsha banktik kreditteý kezinde aýyl sharýashylyǵy óndirýshileriniń qaryzdaryn kepildendirý siiaqty qarjy quraldary engizildi, sondai-aq aýyl sharýashylyǵynda erikti saqtandyrý júiesi engizildi.
Qazir qurǵaqshylyqtan jáne artyq ylǵaldan saqtandyrý ónimderi agrarshylar arasynda suranysqa ie, sondai-aq alǵash ret Swiss Re halyqaralyq qaita saqtandyrý kompaniiasyn tarta otyryp, iri qara maldy saqtandyrý engizildi», – dedi Omarov.
Buǵan qosa, ótken jyly forvardtyq satyp alý baǵdarlamasy iske qosylyp, óz tiimdiligin kórsetken. Forvardtyq satyp alý eki mindetti oryndaidy, bul otandyq óndirýshilerden dándi jáne maily daqyldardy kepildi satyp alý jáne óńdeýshi kásiporyndardy shikizatpen, mal ósirýshiler men qus ósirýshilerdi azyqpen qamtamasyz etý.
«Jer komissiiasy ótkizildi jáne sheteldik jer paidalanýshylarǵa aýyl sharýashylyǵy jerlerin berýge tyiym salý bóliginde jer kodeksin ózgertý boiynsha eki zań qabyldandy, sondai-aq jer paidalaný quqyǵyn ielikten shyǵarýdy qosa alǵanda, aýyl sharýashylyǵy jerlerin qazaqstandyq jer paidalanýshylarǵa jalǵa berý máseleleri zańnamalyq reglamentteldi.
Biylǵy 6 aidyń qorytyndysy boiynsha aýyl sharýashylyǵy da 3,2% turaqty ósimdi kórsetip otyr. Bul aýyl eńbekkerleriniń qajyrly eńbeginiń jáne Qazaqstan táýelsizdiginiń barlyq jyldaryndaǵy memleket tarapynan kórsetilgen qoldaýdyń nátijesi ekeni sózsiz», – dep óz oiyn aitty Saparhan Omarov.
Derekkóz: arasha.kz
