Elimizge 40 jyl qaıǵy-qasiret ákelgen ajdahanyń úni óshti. Abyraly óńirinen shyqqan azamattar judyryq bolyp jumylyp, belgili kásipker, mesenat Marat Qurmanbaevtyń uıtqy bolýymen kóńili jabyrqaǵan, Polıgonynan zardap shekken turǵyndardy áleýmettik-ekonomıkalyq jaǵynan qoldaý baǵytynda osydan 12 jyl buryn «Abyraly-Degeleń» qoǵamdyq qory quryldy.
Qor negizinen Abyraly óńirindegi halyqtyń ál-aýqatyn arttyryp, turmystyq jaǵdaıyna qolǵabys etip, qol ushyn berýdi kózdeıdi. Esimi elge keńinen tanymal ǵalymdar, aqyn-jazýshylar, zıaly qaýym ókilderi, kásipkerler qorǵa demeý bildirýde.
"Óskeleń urpaq bilsin degen nıetpen osy óńirden shyqqan tulǵalar úlgi tutý, babalardyń basynan ótkergen qasiretin el jadynda saqtaý maqsatynda aýqymdy ister atqarylýda.
Máselen atqarǵan jumystardyń bir bóligine toqtalsam, Qaınar aýylyna mádenı demalys saıabaǵy, Abyraly óńirinde dúnıege kelgen eleýli tulǵalardyń eńbekteri ulyqtalyp, akademık Rymǵalı Nurǵalı men kórnekti ǵalym, soǵys ardageri Tóltaı Balaqaev, elimizdiń qarjy mınıstri bolǵan Rymbek Baıseıitov, balalar ádebıetiniń klassıgi Saparǵalı Begalın, aryndy aqyn Tóleýjan Ysmaıylov, ishki ister mınıstri bolǵan Qabylbek Shyraqbaevqa Qaınar aýylyndaǵy Mádenıet úıiniń janyndaǵy mádenı-saıabaq janynan eskertkish búst ornatyldy.
Abyraly óńirinde polıgon qurbandaryna arnap bıiktigi 15 metrlik monýment turǵyzyp, Jeńistiń 65 jyldyq mereıtoıyna oraı «Uly Otan soǵysyna attanǵan abyralylyqtar» degen atpen 1500-den astam maıdangerdiń aty-jóni jazylǵan taqtatas, Abyraly kóterilisiniń 80 jyldyǵy qarsańynda Qaınar aýylynyń ortalyǵynda «Babalar erligi – táýelsizdik tiregi» degen atpen tarıhı eskertkishtiń boı kóterýine «Abyraly-Degeleń» qory sep boldy", – deıdi qordyń prezıdenti Marat Serikjanuly.
Jaqsylyqtyń jarshysy bolǵan el aǵalary birneshe tarıhı kitaptardyń jaryq kórýine de járdem berdi.
Qordyń demeýshiligimen Shákárim Qudaıberdiulynyń 150 jyldyq toıy qarsańynda «Shákárimtaný máseleleri» atty 5 tomdy, serıalyq ǵylymı jınaq, «Kıeli Qobyz qudyreti», «Iadrolyq synaq aımaǵy keshe jáne búgin», «Týǵan jerge taǵzym», «Tóleýjan Ysmaıylovqa 80 jyl», «Atyńnan aınalaıyn Abyralym», sanaly ǵumyrynyń 37 jylyn radıasıa tozańynyń astynda ótkizgen, qalyń elmen atom zardabyn birge kórip, atom bombasynyń qalaı paıda bolǵanynan bastap, qazaq dalasyna, Degeleń alqabyna qalaı jetkizilgenine deıin ǵylymı negizde naqty derektermen sheber sýrettep, Semeı óńiri turǵyndarynyń aıanyshty aýyr taǵdyryn baıandaıtyn belgili jazýshy Medeý Sársekeniń «Semeı qasireti» atty kitabynyń jaryqqa shyǵýyna muryndyq boldy.
Jahandy jaılaǵan koronavırýs pandemıasy kezinde, ótken jyly Semeıden 300 shaqyrym shalǵaıdaǵy Abyraly óńiriniń turǵyndarymen kezdesip, qıyn sátte jerlesterin umytpaı, qoldaý bildirip, elge jomarttyǵymen tanylǵan «Aqshyń» korporasıasynyń prezıdenti, «Abyraly-Degeleń» qorynyń jetekshisi Marat Serikjanuly aýyldaǵy áleýmettik jaǵynan az qamtylǵan 50 otbasylarǵa, kómek qolyn sozyp, azyq-túlikpen jáne medısınalyq maskamen qamtamasyz etkeni el esinde. Árdaıym sol ólkeden jarq etip shyqqan talantqa, sharshy topty jarǵan sportshyǵa, ónerimen dúıim jurtty tań qaldyrǵan ánshi, kúıshi, bıshige,oqýda ozat bolǵan bilimdi jandarǵa da qoldaý kórsetip keledi.
Jyl saıyn oqý maýsymy qarsańynda “Mektepke jol” sharasy aıasynda osy eldiń barlyq mektep tabaldyryǵyn tuńǵysh ret attaıtyn oqýshylardyń bilim alýǵa qajetti qural jabdyqtarmen qamtamasyz etýde.
Bıylda ıgilikti is jalǵasyn taýyp Aqbulaq, Aınabulaq, Doǵalań, Qaınar, Abyraly aýyldarynda birinshi synypqa barǵan barlyq oqýshylarǵa jáne №21 mekteptegi áleýmettik az qamtylǵan 10 oqýshyǵa oqý quraldaryn tabys etti. Sonymen qatar áleýmettik turǵydan az qamtylǵan otbasylardyń balalaryn aqyly negizde oqytýǵa qoldaý da kórsetip júr.
Aýyldy kórkeıtýge de atsalysyp, «Abyraly-Degeleń» qoǵamdyq qory osy óńirdegi eldi-mekenderdiń damýyna ún qosyp, halyqtyń áleýmettik-materıaldyq jaǵdaıynyń jaqsarýyna árdaıym qol ushyn berýde. Osy ıgilikti istiń basy qasynda Búgin alpystyń asqaryna shyqqan el aǵasy, belgili kásipker, atymtaı jomart Marat Serikjanuly turǵany anyq. Aǵalyq ardaqty asýdan asyp, aqsaqaldyq mereıli kezeńge kóteriler bul shaǵyńyz baıandy bolǵaı!!!
Azamattyq mindetim dep, árdaıym halyqtyń qasynan tabylǵan Márt Marat Qurmanbaı ıgilikti isterin ári qaraı jalǵastyrýǵa nıetti. Iá, úlken baılyqpen adamǵa úlken qaıyrym bitpeıdi, kerisinshe, úlken qaıyrymdylyq – jınaǵan baılyǵyńdy abyroıly etpek.
Qýanysh Rahmetollauly
