Qarjy naryǵyn retteý jáne damytý agenttigi (QNRDA) Eldar Sársenovtyń ózine tiesili "JP Finance Group" JShS-nyń Bas direktory laýazymyna usynylǵan kandidatýrasyn maquldady, dep habarlaidy Dalanews.kz.
Eldar Sársenov 1984 jyly 4 qarashada dúniege kelgen. The Suffolk University (Boston, AQSh) "Iskeri ákimshiliktendirý bakalavry"mamandyǵy boiynsha bilim alǵan. The Northeastern University (Boston, AQSh) "Iskeri ákimshiliktendirý magistri" atandy. Ár jyldary ol marketing menedjeriniń kómekshisi, Helios janarmai quiý stantsiialary jelisindegi satý jáne marketing jónindegi direktordyń orynbasary boldy. Shveitsariialyq TAG Heuer (AQSh) saǵat kompaniiasynda marketing jetekshisi, "Nurbank"AQ Basqarýshy direktory boldy.
2015 jylǵy qarashadan 2021 jylǵy tamyzǵa deiin "Nurbank"AQ Basqarma tóraǵasy qyzmetin atqardy.
2024 jylǵy 13 qarashadan bastap Eldar Sársenov - Nurbanktiń Direktorlar keńesiniń tóraǵasy.
Aita ketsek, Qazaqstandaǵy eń bai adamdardyń biri - Sársenovtar otbasyna "Nurbank" AQ, "Viktoriia" saqtandyrý kompaniiasy,JPFinance Group LLP,"Kasting" JShS,Helios JMQS jelisi, "Aqsai" nan-toqash kombinaty tiesili. Budan bólek, "AltynEx Company" AQ, "Kókshe-Tsement " JShS, "Kasting" JShS metallýrgiialyq kompaniiasy, "Frantsýz úii" saýda jelisi, "Oil Real Estate" JShS (jyljymaityn múlikti basqarý), "Kompaniia Neftehim LTD" JShS (polipropilen óndirisi), "Caspian Food" JShS, "Caspian Food" JShS, "Tekeli taý-ken óńdeý kesheni syndy ártaraptandyrylǵan biznes kózderi tiesili.
