Baıandamashynyń aıtýynsha, Prezıdenttiń baspanany qoljetimdi etýge baǵyttalǵan «7-20-25» baǵdarlamasy óńirdegi turǵyn úı qurylysyna jańa qarqyn bermek. Bıylǵy jyly oblysta paıdalanýǵa beriletin turǵyn úıler kólemin 1 mln. sharshy metrge jetkizý kózdelýde. Bul oraıda ekinshi deńgeıli bankter nesıelik turǵyn úı qurylysyna belsendi túrde tartylýy tıis. Al ekinshi bastamada aıtylǵan jalaqysy tómen azamattar úshin salyq mólsherin azaıtý jaldamaly jumyskerlerdiń, onyń ishinde áleýmettik, qyzmet kórsetý salasynda eńbek etetin jáne tehnıkalyq personaldyń jalaqysynyń ósýine yqpal etetin bolady.Al memlekettik granttardyń sanyn arttyrý jáne bilimgerlerdi jataqhanamen qamtý týraly bastama boıynsha da alda atqarylar jumys aýqymdy. Máselen, bıylǵy jyly oblysta 16588 mektep bitirýshi bolsa, endi Prezıdenttiń bastamasymen elimizdiń JOO-laryna grantqa túsetinder sany burynǵydan da arta túsetin bolady. Oǵan qosa oblys ákiminiń grantymen jergilikti búdjet esebinen 438 adam oqyp jatyr. Bıylǵy jyly taǵy 100 grant berý kózdelip otyr. Al jataqhana qajettiligi oblys ortalyǵyndaǵy İ. Jansúgirov atyndaǵy JMÝ men óńirdegi birqatar kolejerde baıqalyp otyr.
Sonymen qatar óz sózinde oblys ákimi Elbasynyń «Shaǵyn nesıe berýdi kóbeıtý» týraly bastamasyna da toqtalyp ótti. «2017 jyly 4,3 mıllıard teńgeniń 840 shaǵyn nesıesi berildi. Qarajattyń jetpeýinen 3148 adam shaǵyn nesıe ala almady. Elbasynyń bastamasynda qosymsha20 mıllıard teńge bólý máselesi kóterildi. Biz óz kezeginde, osy qarajatty paıdalana otyryp, shaǵyn nesıe alýǵa nıet bildirgen kóptegen turǵyndardy qamtı alamyz», - dedi A. Batalov.
Gazdandyrý jumysyna qatysty besinshi bastamada keńinen aıtylǵan. Osyǵan oraı oblys ákimi A. Batalov búgingi kúni 11 aýdanda gazdandyrý jumysy júrip jatqanyn, oǵan 8,5 mlrd. teńge bólingenin atap ótti. Taldyqorǵan qalasynda qalaishilik gazdandyrý júıesiniń birinshi kezeginiń qurylys-montaj jumystary aıaqtalǵan. Qazir ekinshi, úshinshi kezektiń qurylysy bastaldy. Sondaı-aq Qapshaǵaı qalasynda abonentterdi kógildir otyn júıesine qosý jumystary júrip jatyr. Búginde Tekeli qalasyna deıin gaz qubyryn tartý jáne «Baqanas», «Saryózek» jáne «Úshtóbe» AGTS qurylystary júrýde.
Sóziniń sońynda oblys ákimi A. Batalov:
- Osy atalǵan bes bastamanyń da mańyzy zor. Áleýmettik salany kóterý úshin, turǵyndardyń ál-aýqatyn arttyrý úshin úlken múmkindikterge jol ashyp berip otyr. Sondyqtan men toqtalǵan máselelerge qatysty orynbasarlarym men tıisti basqarmalar basshylaryna ár baǵyt boıynsha naqty josparlar ázirleýdi, ony júzege asyrýda memlekettik-jekemenshik seriktestik mehanızmin jandandyrýdy, Elbasymyz usynǵan bes bastamany halyqqa túsindirip, nasıhattaý jumystaryn bastaýdy tapsyramyn. 12 naýryzǵa deıin ár baǵyt boıynsha Ulttyq bank, qarjy ınstıtýttary, «Atameken» Ulttyq kásipkerler palatasy, joǵary oqý oryndarymen jáne basqa da múddeli organdarmen kelisilgen Jol kartasyn daıyndap, ony tez arada iske asyrýymyz kerek, - dedi.
Munan soń sóz alǵan «Turǵynúıjınaqbanki» AQ Almaty oblystyq fılıalynyń dırektory Ǵ. Shalqymbaev turǵyn úıdiń qoljetimdiligi týraly bank sharttary jaıly baıandasa, Taldyqorǵandaǵy múmkindigi shekteýli balalarǵa arnalǵan «Báıterek» ońaltý ortalyǵynyń defektolog muǵalimi Aqbota Núsipjanova salyq jeńildigine ilinetin azamat retinde oı qosty.
Sonymen qatar Taldyqorǵan polıtehnıkalyq kolejiniń dırektory Erqat Muqajanov granttar sanyn ulǵaıtý men jataqhanamen qamtý máselesine qatysty pikirin bildirdi. Atalmysh kolejdiń kúndizgi bóliminde 1622 stýdent oqysa, sonyń 960-y shalǵaı aýyldardan kelgen bilimgerler. Al bilim oshaǵynyń jataqhanasy 200 oryndyq. Budan bólek óńirdegi birqatar kolejderde de jataqhana qajettigi týyndap otyr. Osy máselege oraı oblys ákimi A. Batalov tıisti basshylarǵa jataqhana qajettiligi týraly málimetterdi áli de tolyq naqtylap, ǵımarat qurylystaryn zamanaýı úlgide jobalaý qajettigin eskertti.
Munan soń Almaty oblystyq «Atameken» Kásipkerler ulttyq palatasynyń dırektory N. Ábilshaıyqov pen «Taldyqorǵan qalasy gaz bólý júıesiniń qurylysy»jobasynyń jetekshisi A. Petlın sóz sóılep, oılaryn ortaǵa saldy. Olardyń barlyǵy da 5 bastamanyń ıgiligi men oǵan qosatyn óz úlesteri týraly aıtty.
Almaty oblysy ákiminiń baspasóz qyzmeti
