Elbasy Túrkiia Prezidentine kóńil aitý jedelhatyn joldady
Jedelhatta Elbasynyń jekelegen teris piǵyldy kúshterdiń Túrkiiada qarýly tóńkeris jasaý áreketi týraly habardy úlken alańdaýshylyqpen qabyldaǵany atap ótilgen.
«Qaiǵyly oqiǵa saldarynan barlyq qaza bolǵandar men zardap shekkender otbasylarynyń qaiǵysyna ortaqtasa otyryp, kóńil aitamyz. Baýyrlas túrik halqyn birlestikke jáne bolǵan oqiǵaǵa qatysty tózimdilik tanytýǵa shaqyramyz. Jaǵdaidyń tezirek retke keletinine senimdimiz. Túrik halqy memlekettiń demokratiialyq jolmen sailanǵan qazirgi basshylyǵymen birge barlyq syn-qaterlerge tótep berip, demokratiia jáne órkendeý jolyndaǵy turaqty damýyn jalǵastyratynyna esh kúmán keltirmeimiz», – delingen jedelhatta.
Nursultan Nazarbaev barsha Qazaqstan halqynyń jáne jeke óziniń atynan R.Erdoǵanǵa tilektestigin bildirip, dostas elderdiń jarqyn bolashaǵyna senimdiligin jetkizdi.
Esterińizdebolsa ótken túnde Túrkiiada qarýly shabýyl bolǵan bolaty.
