Shymkent qalasyndaǵy Saıram kómekshi mektep-ınternatynyń  balalary úshin erekshe kún boldy. Óıtkeni olar Elbasynyń joldaǵan quttyqtaý haty men syıǵa tartqan otandyq sý jańa avtokóligin aldy.

Memleket basshysynyń alǵys haty men syılyǵyn qala ákimi Ǵabıdolla Ábdirahymov tárbıelenýshiler men ujymǵa arnaıy baryp tapsyrdy.

Aıta keteıik, atalǵan balalar úıiniń tárbıelenýshileri 1-jeltoqsan Tuńǵysh Prezıdent kúni qarsańynda Elbasy Nursultan Ábishuly Nazarbaevqa ujymdyq quttyqtaý men óz qoldarymen jasalǵan óner týyndylaryn joldaǵan bolatyn. Balalardyń haty men syılyǵyn qabyl alǵan Elbasy alǵysyn bildirip, ystyq lebizin jetkizdi.

Mektep-ınternatynyń ǵımaraty 1916 jyly qurylǵan tarıhı nysan bolyp tabylady. Bul mekeme otyz jyldan astam ýaqyt jumys istep keledi. Týabitti kemistigi bar balalardy ónerge baýlyp, qoǵamǵa beıimdeıdi. Olar erekshe oqytýdy qajet etedi. Búginde munda 210 oqýshy tárbıelenip jatyr.

Osy kúni Shymkent qalasyndaǵy №4-shi balalar úıiniń tárbıelenýshileride erekshe kóńil kúıge bólendi. Qala ákimi atalǵan balalar úıine baryp, balǵyndardy merekemen quttyqtady. Sonymen qatar,80 tárbıelenýshige arnaıy daıyndalǵan sporttyq kostúmder jıyntyǵyn syılady. Balalar daıyndaǵan konserttik baǵdarlamany tamashalady.

Aıta keteıik, qazir №4 balalar úıinde 80 bala – 40 ul jáne sonsha qyz bala tárbıelenýde. Olardyń 26-y tul jetim bolsa, 54-i ata-anasynyń qamqorlyǵynsyz qalǵan balalar.