Elbasy jazýshylarmen júzdesti
Elbasy ónerdiń, shyǵarmashylyqtyń el-jurt pen búkil qoǵam ómirinde mańyzdy oryn alatynyn aita kelip, shyǵarmashylyq ziialy qaýym ókilderine sáttilik tiledi, sondai-aq olarǵa el táýelsizdigin nyǵaitýǵa qosqan úlesteri úshin alǵysyn bildirdi.
Áńgime barysynda el ómiriniń mádeni-gýmanitarlyq salasymen qatar, qoǵamdyq-saiasi saladaǵy keń aýqymdy máseleler qozǵaldy. Atap aitqanda, latyn álipbiine kóshý, demografiialyq ahýal, kóshi-qon saiasaty, úsh tilde bilim berý júiesin engizý, taǵy da basqa máseleler qamtyldy.
Qazaqstan Prezidenti óziniń taiaýda jaryq kórgen «Bolashaqqa baǵdar: rýhani jańǵyrý» atty maqalasynyń keibir baǵyty men basymdyqtaryna toqtaldy.
Táýelsizdik jyldarynda iske asyrylǵan iri shyǵarmashylyq jobalardyń mańyzdy máseleleri talqylandy. Máselen, Qazaqstan aýmaǵyndaǵy tarihi-mádeni eskertkishter men nysandardy qalpyna keltirýge septigin tigizgen «Mádeni mura» baǵdarlamasy, sondai-aq álemniń jetekshi arhivterinen elimizdiń tarihyna qatysty qujattardy júieli túrde jinaqtap, taldaý júrgizýge múmkindik bergen «Halyq tarih tolqynynda» baǵdarlamasy áńgimege arqaý boldy.
Nursultan Nazarbaev týǵan jerge degen súiispenshilikten bastaý alatyn patriotizm taqyrybyn jandandyrý qajettigine nazar aýdardy.
Sońynda Memleket basshysy rýhani jańǵyrý jónindegi qazaqstandyqtar aldynda turǵan mindetterdiń mańyzy zor ekenine toqtalyp, eldi damytý úshin olardy júzege asyrýdyń ózektiligin atap ótti.
