«Elbasy. Jastar. Jasampazdyq» jobasy iske qosylmaq
Joba tusaýkeserinde QR Memlekettik kúzetinińPrezidenttik orkestri arnaiy daiyndaǵan plats-kontserttik baǵdaralamamen ónerin pash etedi. Al QR Memlekettik kúzeti qyzmeti Qurmet qaraýylynyń rotasyjurtshylyqtyń nazaryna áskeri defilesin usynbaq.
«Elbasy. Jastar. Jasampazdyq» jyljymaly aqparattyq-imidjdik jobasynyń aiasynda saǵat 11.40-ta Elbasy kitaphanasynyń direktory, saiasi ǵylymdardyń doktory, professor Ámirhan Rahymjanov professor-oqytýshylar qaýymymen, doktoranttar men magistranttarmen, stýdenttermen kezdesip, dáris oqidy. Dál osyndai shara 16.00-de Abai atyndaǵy Qazaq ulttyq pedagogikalyq ýniversitetinde qaitalanyp, 24 mamyrda, saǵat 10.00-de Qazaq ulttyq agrarlyq ýniversitetinde ótedi.
«Elbasy. Jastar. Jasampazdyq» jyljymaly aqparattyq-imidjdik jobasyElbasynyń jasampaz, shyǵarmashyl ideialary men bastamalaryn dáripteýge, qalyń jurtshylyqqa biregei qordy kórsetýge jáne nasihattaýǵa, ekskýrsiialardy uiymdastyrýdyń ádisterin damytýǵa, sonymen qatar, Qazaqstan Respýblikasynyń Tuńǵysh Prezidenti N.Á. Nazarbaevtyń ómiri men qyzmetin tanystyrýǵa baǵyttalǵan.
Joba aiasynda «Jastar – ult tiregi»keshendi kórmesi qoiylyp, Elbasy kitaphanasyndaǵy arhiv, mýzei jáne kitaphana jinaqtarynyń materialdarytanystyrylady.
Kóshpeli aqparattyq-imidjdik jobanyń aiasynda «N.Nazarbaev – jahandyq antiiadrolyq qozǵalystyń kóshbasshysy», «Qazaqstan halqy Assambleiasy jáne Elbasy», «Uly dalanyń qazynasy – «Altyn adam», «Sportivnaia slava Kazahstana»kóshpeli ekskýrsiialary júrgiziledi. Olardyń aiasynda qatysýshylar biregei jádigerlermen tanysý múmkindigine qol jetkizedi.
