Basqosý barysynda sóz alǵan kolej dırektory Gúlmıra Taǵaeva latyn grafıkasy jaıynda óz oıyn jetkizdi. «Qazaq tili álipbıin kırılısadan latyn grafıkasyna kóshirý týraly Memleket basshysy Nursultan Nazarbaevtyń Jarlyǵy óz ýaqytynda qabyldanǵan tarıhı sheshim dep túsinemiz. Meniń oıymsha, ońtústik jurtshylyǵy Memleket basshysynyń Jarlyǵymen bekitilgen jańa álipbıdi bir aýyzdan qoldaıdy. Ásirese, qazaq tili álipbıiniń 2025 jylǵa deıin latyn grafıkasyna kezeń-kezeńimen kóshýin qamtamasyz etý týraly el Úkimetine bergen tapsyrmasynda naqty merzimdi belgileýin naqtylyqtyń kórinisi dep qabyldaıdy», –- dedi.
Sharada kolej stýdentteri latyn álipbıine qatysty óz oılaryn ortaǵa saldy.
Máselen, Baqytjan Saǵyndyqov: «Belsendi jastardyń biri retinde, men latyn álipbıin kúndelikti uıaly baılanys arqyly nemese áleýmettik jelide hat almasý barysynda jıi paıdalanamyn. Endi latyn grafıkasyna kóshýge sebep bar. Óıtkeni latyn qaripin álemniń alpaýyt elderiniń qoldanysynda bar tájirıbe. Bizdiń Elbasymyz Jarlyqqa qol qoıý arqyly damyǵan memleketterdiń kóshin jalǵady».
Sondaı-aq, jıynǵa qatysýshylar el bolashaǵy úshin qabyldanǵan mańyzdy sheshimge qoldaý kórsetý, jaqsyny úırenbekke umtylý – júregi «elim» dep soqqan árbir qazaqstandyqtyń abyroıly mindeti ekenin aıtty.
https://dalanews.kz/31450
