Qazaqstannyń Tuńǵysh Prezıdenti Elbasy Nursultan Nazarbaev Túrkistan qalasyna jasaǵan jumys sapary barysynda  «Farab Library» kitaphanasyna baryp, robottandyrylǵan tehnıka zerthanasynyń jumysymen tanysty. Sondaı-aq, sırek kitaptar men manýskrıpter bólimin kórdi, – dep habarlaıdy Dalanews.kz.

«Farab Library» kitaphanasy – zamanaýı qurylǵylarmen jáne ozyq tehnologıamen jabdyqtalǵan kópfýnksıaly bilim berý kesheni.

Bul jerde 480 myń kitapqa arnalǵan kitap saqtaý orny, sıfrlandyrý, konservasıalaý jáne restavrasıalaý zerthanasy, 400 adamǵa arnalǵan dáris zaly, kórme atrıýmy, FabLab sıfrly sheberhanasy,  mýzykalyq zerthana, foto jáne vıdeotúsirilimge arnalǵan  mýltımedıa zaly, 3D model jasaıtyn proeksıa zaly, kallıgrafıa jáne qysh óneri stýdıasy, konferensıa ótkizýge laıyqtalǵan zaly bar kovorkıng, kompúter synyby, sırek kitaptar men manýskrıpter zaly ornalasqan.