Qaraǵandy oblysynyń kásipkerlerimen áńgimelesý kezinde RQSh músheleri kandidattyń sailaýaldy baǵdarlamasynda kórinis tapqan ulttyq ekonomikany damytý jáne jeke biznesti yntalandyrý jónindegi basymdyqtardy talqylady.
Respýblikalyq qoǵamdyq shtabtyń basshysy Erlan Qoshanov quramyna belgili qoǵam qairatkerleri, Parlament Májilisiniń depýtattary, sarapshylar, jýrnalister kiretin RQSh músheleri óńirlerde kandidattyń sailaýaldy baǵdarlamasynyń negizgi erejelerin túsindirip, is-sharalardy belsendi ótkizip jatqanyn atap ótti.
Úgit-nasihat naýqanynyń alǵashqy kúnderi el aýmaǵynda 5 myńnan astam úgit-nasihat is-sharasy uiymdastyryldy.
Óz kezeginde, Respýblikalyq qoǵamdyq shtabtyń múshesi Toqtar Áýbákirov 20 qarashada qazaqstandyqtar mańyzdy tańdaý jasaitynyn atap ótti.
«Bul tańdaý elimizdiń aldaǵy jeti jyldaǵy damý baǵytyn aiqyndaidy. Barsha qazaqstandyqtardyń azamattyq belsendilik tanytyp, sailaý ýchaskelerine kelgeni mańyzdy», – dedi ol.
Sondai-aq, RQSh músheleri E.A. Bóketov atyndaǵy Qaraǵandy ýniversitetiniń stýdentterimen jáne oqytýshy-professorlar quramymen kezdesip, Qasym-Jomart Toqaevtyń jastarǵa jáne bilim berýge qatysty saiasatyna basa nazar aýdardy.
Budan soń, RQSh músheleri «Kazahstanskaia» shahtasynyń kenjaryna túsip, kenshilerge kandidattyń eńbek adamyn qoldaýǵa jáne óndiristerdegi qaýipsizdikti arttyrýǵa baǵyttalǵan negizgi basymdyqtary týraly túsindirdi.
Osy kúni RQSh basshysy Erlan Qoshanov Uly Otan soǵysynyń ardageri, 99 jastaǵy Esjan Búrkitovtiń shańyraǵyna bardy. Qartaiǵanyna qaramastan, aqsaqal kandidattardyń sailaý naýqanyn jiti baqylap otyr.
