Astana prokýratýrasy Qazaqstanda "terrorizm men ekstremizmdi nasihattaýyna" bailanysty 94 sait sot sheshimimen buǵaýlanǵanyn habarlady.
2016 jyldyń basynan beri Astananyń Esil aýdandyq sotyna sheteldik jekelegen saittarda jariialanǵan materialdardy zańsyz dep taýyp, olardyń Qazaqstan territoriiasynda taralýyn toqtatýdy talap etken jiyrma shaqty talap-shaǵym túsken.
"Azamattyq isterdi qaraý nátijesi boiynsha, terrorizmdi, ekstremizm men separatizmniń kez-kelgen túri nasihattalatyn, ulttyq qaýipsizdikke qater tóndiretin 94 sait buǵattaldy" delingen habarlamada.
Prokýratýra aqparatynda sotqa talap-shaǵymdardy aqparat jáne kommýnikatsiia ministrliginiń bailanys, aqparattandyrý jáne buqaralyq aqparat quraldary salasyndaǵy memlekettik baqylaý komiteti túsirgeni aitylady. Sot talap-shaǵymdardy qanaǵattandyrýǵa sheshim shyǵaryp, ol kúshine engen.
"QmD" aqparat
