«EKSPO» kórmesine keletin sheteldikter tizeden malmandai sý keshýi múmkin
Bul týraly KTK habarlaidy.
Al kórmeniń keler jyly ótetinin eskersek, bas qala aǵyn sýdan tazara qoimaityn sekildi. Biraq Astana ákimi qol qýsyryp otyrmaǵanyn aitty. Áset Isekeshov tipti shetelden injenerler shaqyrtyp, qalany jaǵymsyz iis pen jańbyr sýynan tazartý úshin aýqymdy jospar qurypty.
Bul sheteldik mamandar Astananyń bas aýrýyna ainalǵan negizgi máseleni sheshýge kómektespek. Óitkeni jaýyn jaýsa boldy kólge ainalatyn bas qalany sýdan tazartyp, turǵyndardy tunshyqtyrǵan jaǵymsyz iisten qutylý ońaiǵa soǵyp turǵan joq. Sondyqtan qala ákimi sheteldik mamandardy da shaqyrtýǵa májbúr.
Áset Isekeshov, Astana qalasynyń ákimi:
- Jańbyr sýy men jaǵymsyz iisten tezirek qutylý úshin halyqaralyq institýttardan myqty injenerler men sarapshylardy shaqyrdyq. Solardan álemniń úzdik tájiribelerin úirenip, nóser qubyrlaryn salýdy josparlap otyrmyz.
Áset Isekeshovtiń jaýyn sýymen qosa sasyq iisti joiýǵa bilek sybana kirisýi beker emes. Óitkeni jaýyn jaýsa boldy Elordanyń iri dańǵyldaryna deiin sý astynda qalady. Bulai jalǵassa «EKSPO» halyqaralyq kórmesine keletin qonaqtar da osy iiske tunshyǵyp, tizeden malmandai sý keshýi múmkin. Osy úshin aldyńǵy ákim Ádilbek Jaqsybekov te talai synǵa qalǵan edi.
