«Álem nazary aýatyn aýqymdy sharanyń kórkin qyzdyrýda ońtústik ónerpazdary jańasha baǵytta, eshkimdi qaitalamaityn qazirgi zamanǵa laiyqty týyndylarymen erekshelenýi kerek. Is-shara jospary bekitilip, keshendi daiyndyq qajet. El abroiyn asqaqtatar tusta qai salada bolmasyn aianyp qalmaýǵa tiistimiz»,-dedi Janseiit Qanseiituly.
Jiyn barysynda baiandama jasaǵan oblystyq mádeniet basqarmasynyń basshysy Nurbolat Ahmetjanov shara aiasynda Ońtústik Qazaqstan oblysynan 610 adamnan quralǵan 17 shyǵarmashyl ujym qatysyp, ónerlerin kópshilikke usynatynyn jetkizdi. Onyń ishinde jergilikti 22 qolóner sheberleri de bar.
Ońtústiktiń mádeni kúnderi QR Mádeniet jáne sport ministrligi bekitilgen kestege sáikes ótkiziletin bolady. Merekelik kontsertte Sh.Qaldaiaqov atyndaǵy oblystyq filormoniianyń «Súgir» atyndaǵy ult aspaptar orkestri, Tumar folklorlyq ansanbli «Qazyna»,«Tumar» bi ujymdary óner kórsetedi dep kútilýde. Sonymen qatar oblystyq opera jáne balet teatrynyń simfoniialyq orkestri, hory, jeke solisteri, balet trýppasy, «Big-bend» estradalyq djaz ansanblderi kópshilikke óz ónerlerin pash etpek.
Budan bólek, EKSPO qalashyǵynyń amfiteatrynda «Nuryn shashqan –Ońtústik» atty Ońtústik Qazaqstan oblysy óner sheberleriniń gala-kontserti uiymdastyrylady.
Sonymen qatar Astanadaǵy «Qazanat» ippodromynda boi kóteretin etnoaýylda Ońtústik Qazaqstan oblysynan talapqa sai birneshe kiizúi tigiletin bolady.
Aita keteiik, Ońtústik Qazaqstan oblysynda jyl sońyna deiin EKSPO-2017 Halyqaralyq mamandandyrylǵan kórmesine arnalyp 10185 is-shara ótkiziledi. Onyń ishinde oblystyq basqarmalar tarapynan 1361 al, aýdan- qalalardan 8800-ge jýyq merekelik shara uiymdastyrý josparda bar.
OQO ákiminiń baspasóz qyzmeti
