«EKSPO – 2017»: Eldiktiń eren jeńisi
Endi mineki, biyl álemdik asa aýqymdy shara – EKSPO kórmesin ótkizýdemiz. Halyqaralyq kórme 10 maýsymda bastalyp, 10 qyrkúiekte aiaqtalady.
EKSPO – bir jarym ǵasyrlyq tarihy bar kórme. Eń alǵash 1851 jyly Ulybritaniiada ótken. Sodan beri qarai bul kórme alpys bes ret ótkizilgen. Amerika Qurama Shtattarynyń ár qalasynda bul kórme jiyrma ret ótse, bir ǵana Parijdiń ózi segiz ret búkilálemdik kórme qonaqtaryna qyzmet kórsetken. Briýsselde tórt ret ótken. Aitpaqshy, Parijde 1889 jyly Eifel munarasy, al 1908 jyly Amýrdan ótetin kópir salynǵan. Iaǵni, EKSPO kórmeleri ǵajap nysandardyń, ǵajaiyp týyndylardyń dúniege kelýine sebepshi bolǵan.
Tarihqa kóz júgirtsek, EXPO dástúrli kórmesi buǵan deiin Aziianyń soltústik shyǵysynda, Eýropa men Soltústik Amerikada ótkizilip kelgen eken. Al endi Shyǵys pen Batystyń arasyndaǵy altyn kópir – jańa óńirde, Eýropa, Taiaý Shyǵys elderimen, burynǵy Keńes respýblikalarymen, sondai-aq, Ortalyq Aziia elderimen óte jaqsy qarym-qatynas ornatqan jas memlekette ótkizý Astanaǵa taǵy bir upai alyp keledi. Shyntýaityna kelgende, munyń barlyǵyda saliqaly saiasatymen elin jasampazdyqqa jetkizip kele jatqan halqymyzdyń baǵy – Elbasynyń eńbegi arqasynda jettik desek naqty shyndyq.
«EKSPO-2017» kórmesin ótkizý – Qazaqstan úshin halyqaralyq deńgeide alǵa jyljýynataǵy bir úlken qadam boldy. Aitýly halyqaralyq kórmeni ótkizýge nietti Qazaqstan álemdik qaýymdastyqqa «Bolashaq energiiasy» taqyrybyn usyndy. Qalai degende de, EXPO siiaqty halyqaralyq kórmelerge qatysý qai eldiń bolsa da, áleýetin dúniejúzine pash etýge berilgen tamasha múmkindik. Astana – alǵash atqan tańynan bastap jaqsylyqqa tumar, jańalyqqa qumar bolǵan erekshe shahar. Árbir qazaqstandyq bizdiń jeńiske jetetinimizge senedi.
EKSPO-2017 – memleketimizdiń myǵymdyǵyn, elimizdiń eńseliligin, oiymyzdyń tereńdigin, halqymyzdyń qonaqjailylyǵyn, ainalyp kelgende ulttyń ulylyǵyn kórsetip otyr.
EKSPO – 2017 – Qazaqstan tarihyndaǵy negizgi oqiǵalardyń birine ainalady jáne bul is-sharanyń ótýi bizdiń elimizdiń imidjine úlken úles qosyp, ekonomika jáne mádeniet damýyna múmkindik berip otyr.
Ózimiz elimizdiń qaýipsizdigin qadaǵalap otyrǵan, el aibyny – Ulttyq ulanda qyzmet atqarǵandyqtan ózim naqty biletin bir jaitty aitaiyn. Kórmeni ótkizý barysyn jiti qadaǵalaý úshin qaýipsizdik salasy erekshe nazarǵa alynǵan. Ár qyzmetkerimiz Elorda tórinde jaýapkershilikti sezinip, erekshe ekpinmen qyzmet atqaryp júr demekpin.
Máselen, EKSPO qalashyǵynyń aýmaǵynda 2 myńnan asa zamanaýi úlgidegi beine kameralar ornatylsa, kúndelikti túrde quqyqtyq tártipti 4 myńnan asa ishki ister men quqyqtyq tártip áskeriniń qyzmetkerleri qadaǵalaýda. Bul, árine, bizdiń óz tarapymyzdan elimizdiń jasampazdyǵyn pash etip jatqan halyqaralyq sharaǵa qosqan úlesimiz dep bilemiz.
Qairat AQTANOV, general-maior, Qazaqstan Respýblikasy «Ońtústik» óńirlikqolbasshylyǵynyń qolbasshysy
