Eks-sýdia Svetlana Jolmanovaǵa qatysty sot jaryssózi ótti,- dep habarlaidy Dalanews.kz.
Almatynyń Medeý aýdandyq sotynda 1 milliard teńgege jýyq alaiaqtyq isi, iaǵni 48 epizod boiynsha aiyptalǵan burynǵy sýdia Svetlana Jolmanovanyń isi boiynsha jaryssózder ótti.
Sot otyrysynda prokýror ony 6 jyl 8 aiǵa bas bostandyǵynan aiyrýdy surady.
Bul is týraly ne belgili?
Svetlana Jolmanovaǵa qatysty is Almatydaǵy Medeý aýdandyq №2 sotynda qaralyp jatyr. Oǵan 1 mlrd teńgeni alaiaqtyq jolmen iemdendi degen aiyp taǵylǵan. Tergeý nusqasyna sai ol túrli tenderler men jyljymaityn múlik mámilelerine kómektesemin dep, oǵan qosa eks-ákimniń áielimen aralasamyn degen syltaýmen adamdardy aldaǵan. Jumystan ketken soń da ózin sýdia retinde tanystyryp, aqsha bopsalaýdy jalǵastyrǵan. Qazirgi tańda 48 epizod tirkelgen, jábirlenýshiler arasynda sýdialar da bar.
Ekinshi aiyptalýshy - burynǵy politsei Daniiar Qushaliev. BAQ málimetinshe, ol buǵan deiin para alý deregi boiynsha ustalǵan.
Buǵan deiingi isteri
Aita keteiik, 2021 jyldyń 28 sáýirinde Almaty qalasy Medeý aýdandyq sotynyń sýdiasy Svetlana Jolmanova alaiaqtyq jasady degen kúdikke ilindi.
Tintý kezinde sýdianyń kabinetinen 10 myń dollar tárkilengen. Ol sot sheshimderin belgili bir adamdardyń paidasyna shyǵarýǵa kómektesken degen kúdikke ilindi.
29 sáýirde Joǵarǵy sot tóraǵasynyń ókimimen Svetlana Jolmanovanyń ókilettigi toqtatyldy.
