Almaty qalasy Qoǵamdyq keńistikterdi damytý basqarmasy Sairan kólin abattandyrý boiynsha bas merdigerdi memlekettik satyp alýlardyń adal qatysýshysy emes dep taný jóninde sotqa talap-aryz túsirdi, dep habarlaidy Dalanews.kz.
“Merdigerdiń kelisimshart talaptaryn ýaqytyly ári sapasyz oryndaýyna bailanysty Qoǵamdyq keńistikterdi damytý basqarmasy "Pavlodar ózen porty" aktsionerlik qoǵamyn memlekettik satyp alýlardyń adal qatysýshysy emes dep taný týraly sotqa talap-aryz berdi”, – dep habarlady ákimdik.
Bastapqyda Sairan kóliniń mańyndaǵy aýmaqty qaita jańǵyrtý jumystary biylǵy mamyr aiynyń sońyna deiin aiaqtalýy tiis bolatyn. Jobanyń quny – 12 mlrd teńge. Osy somaǵa kompaniiamen kelisimshart jasalǵan.
Egov portalyndaǵy málimetke sáikes, “Pavlodar ózen porty” aktsionerlik qoǵamy “San” JShS-ne tiesili. Al onyń quryltaishylary – 41 jastaǵy Dolores Pshembaeva men 21 jastaǵy Anetta Saǵynbek. Dolores – burynǵy Májilis depýtaty Meiram Pshembaevtyń qyzy, sondai-aq burynǵy TJ vitse-ministri Mereke Pshembaevtyń jieni.
