Derekti filmniń úzindisin Elbasynyń baspasóz hatshysy Aidos Úkibai Tvitterde jariialady.
Úkibaidyń atap ótkenindei Nazarbaev halyqtan keshirim suraǵan.
"Qazir eshkimge aitpaǵan bir qupiiamdy jariia eteiin. Sen úshin úshin bul tosyn jańalyq bolsyn. Meni keshirýdi suraimyn. Maǵan óte qiyn. Júrek jutqan, eshkimnen qaimyqpaityn adam joq bul jalǵanda...", – deidi Nazarbaev bastan keshken qiyndyqtardy eske ala otyryp.
Budan bólek eks-prezident ádettegidei qýǵyndaǵy bankir Muhtar Ábliazovke toqtalyp, onyń satqyndyǵyn sóz etedi. Sonymen qatar "Orys jeri" atty psevdomemleket qurmaqshy bop Shyǵys Qazaqstan oblysynyń ákimdigine shabýyldaǵan separatisterdi eske alǵan.
Osy suhbatynda Elbasy Qyrǵyzstandaǵy tóńkeris tusynda Asqar Aqaev pen Qurmanbek Bakievti el kózinen tasalap, ushaqpen alyp shyqqan kezdi áńgimelegen.
Nazarbaevtyń orys shovinisteri uiymdastyrǵan ShQO-daǵy búlikke toqtalǵany Kremldiń nazarynan tys qalmaǵan eken.
"1999 jyly Qazaqstannyń kúsh qurylymdary eldegi orystildi aýditoriiany memleketke qarsy qoimaq boldy, úi ishinen úi tigip, separatizmdi qozdyrdy degen aiyppen 22 adamdy (onyń 12-si reseilikter) qamaýǵa aldy.
Búliktiń basy-qasynda júrgen Pýgachev degen laqap aty bar Viktor Kazimirchýk 7 jylǵa sottalyp, 2006 jyly bosap shyqty. Byltyr "qazirgi qazaq jeri Resei syiǵa tartqan aýmaqtan turady dep" málimdegen Dýma depýtaty Nikonovtyń sózi diplomatiialyq daýǵa ulasty...", – dep jazady "Moskovskii komsomolets".
https://www.youtube.com/watch?v=coRA8fULqNE
