20 maýsymda elordadaǵy Baiqońyr aýdanynyń №2 sotynda eks-Mádeniet jáne sport ministri Arystanbek Muhamediulyna qatysty sot otyrysy aiaqtaldy.
Úkimdi sýdia Baǵlan Ydyrysov oqydy.
Arystanbek Muhamediuly Qazaqstan Respýblikasy Qylmystyq kodeksiniń 28-babynyń 3-bóligimen ("Qylmystyq quqyq buzýshylyq jasaý") jáne 189-babynyń 4-bóliginiń 2-tarmaǵymen ("Bóten bireýdiń múlkin iemdený jáne talan-tarajǵa salý") kináli dep tanyldy.
Onyń orynbasary bolǵan Almaz Nurazhan 7 jylǵa sottaldy.
Budan bólek, sot Muhamediulyn memlekettik nagradalardan aiyrý týraly qaýly shyǵardy.
Sot úkimimen Arystanbek Muhamediuly memlekettik qyzmette, jergilikti ózin-ózi basqarý organdarynda qyzmet atqarý quqyǵynan ómir boiy aiyryldy.
Eske salaiyq, 2022 jyldyń 28 mamyrynda sot sanktsiiasymen Ulttyq mýzei direktory bolǵan Arystanbek Muhamediuly qamaýǵa alyndy.
Tergeý "Altyn adamnyń álem murajailary boiynsha sherýi" halyqaralyq kórmesin ótkizýge, sondai-aq "Qazaqstannyń ulttyq kieli nysandary men mýzei qorlaryn jalpymemlekettik fotogrammetriialyq 3D-skanerleý" jáne "Qazaqstan Respýblikasynyń Ulttyq tsifrlyq kinokollektsiiasyn tsifrlandyrý" jobalaryna bólingen biýdjet qarajatyn urlaý faktileri boiynsha júrgizildi.
Tergeý bir jylǵa sozyldy. Tergeý málimetinshe, talai jyl mádeniet jáne sport ministrligin basqarǵan Muhamediuly men onyń sybailastarynyń memleketke keltirgen shyǵyny shamamen 221 million teńgeden asady.
Sottaǵy sońǵy sózinde Arystanbek Muhamediuly atý jazasyna da kelisetinin málimdegen edi.
