"El tiregi" partiiasyn qurý jónindegi bastamashyl topty basqarǵan májilistiń burynǵy depýtaty Nurjan Áltaev Semei qalasynan Jezqazǵan qalasyndaǵy túzeý mekemesine áketildi, dep habarlaidy Dalanews.kz Ulysmedia.kz-ke siltep.
Qazaqstan IIM resmi hatynda sottalǵan májilis depýtaty Nurjan Áltaevtyń áieline onyń Semei qalasynan Jezqazǵanǵa áketilgenin habarlaǵan. Mundai áreketterdiń sebepteri naqty habarlanbaǵan joq, dep jazady Azattyq.
Ulysmedia redaktsiiasynyń suraýyna QR IIM qylmystyq-atqarý júiesi komitetinde mundai aqparat jariia etilmeitini jóninde jaýap keldi.
Sottalǵan adam qylmystyq-atqarý júiesi mekemesinde sot taǵaiyndaǵan jazasyn óteidi. "Derbes derekter jáne olardy qorǵaý týraly" zańnyń 15-babyna jáne QAK 93-babyna sáikes sottalǵandardyń jeke isterinen ózge de aqparat jariia etilmeidi, - delingen jaýapta.
Zańǵa sáikes (QR QIK 25-baby) sottalǵan adamnyń qai jerde jazasyn óteitini jaqyn týystaryna habarlanady.
