"Ekpeniń arqasynda bir kúnde jumystan qalǵan joqpyn". Qoǵamdyq keńesi múshesi kovidten qalai saqtanǵanyn aitty (video)
Ótken táýlikte Almatyda PTR oń koronavirýs juqtyrǵan 1 403 jaǵdai anyqtaldy. Juqpaly aýrýlar aýrýhanalarynda 6 074 adam (188 bala) bar. Jansaqtaý jáne reanimatsiia bóliminde 434 naýqas jatyr. Sonymen qatar, qalada jeńil jáne ortasha dárejeli 13 myńǵa jýyq naýqas emdelýde.
Osyǵan bailanysty, Qoǵamdyq keńes músheleri atap ótkendei, almatylyqtardyń qaýipsizdigi úshin barlyq azamattarǵa ekpe egýdiń mańyzy zor. Osy maqsatta qalada meditsinalyq uiymdarda, mektepterde, mádeniet jáne sport mekemelerinde, bazarlarda jáne qalanyń SOSO-da 160 ekpe pýnktteri jumys isteidi, 1 028 adamnan turatyn 237 egý brigadasy jumyldyrylǵan.
Almaty qalasy Qoǵamdyq keńesiniń tóraǵasy, QR Joǵary oqý oryndary qaýymdastyǵynyń prezidenti, Turan ýniversitetiniń rektory Rahman Alshanov bilim berý júiesi úshin ujymdyq immýnitetti qalyptastyrýdyń jáne sapaly bilim berýdiń mańyzdylyǵyna toqtaldy.
– Pandemiia – qaýipti jáne odan qurban bolǵandar da bar. Antivakserler qaiǵyly oqiǵalar oryn alǵan otbasylarǵa qarap, olardyń qateleskenine kóz jetkizsin. Menińshe, búginde vaktsinalanýdan basqa tiimdi ádister joq, – dedi Rahman Alshanov. – Oqýdy aiaqtaý úshin biz barlyq stýdentterdi vaktsinalanýǵa shaqyramyz. Ekpe ortalyqtary barlyq joǵary oqý oryndarynda ashyq, olar stýdentterdiń kelýine daiyn, – dedi Qoǵamdyq keńesiniń tóraǵasy.
Almaty qalasy Qoǵamdyq keńesiniń múshesi Gúlfairýz Qasymova da, vaktsinalanýdyń ǵana COVID-19 yqtimal nusqalary men zardaptarynan qorǵaýǵa kómektesetinin aitty.
– Emdeý kezinde kópshiligi halyqtyq emdeý ádisterin qoldanǵanyn, qoldan kelgenniń bárin jasaǵanyn, biraq vaktsinalanbaǵanyn aitady. Biraq bizdiń qalada, jalpy respýblikada ujymdyq immýnitetti qalyptastyrýǵa jáne eski ómirge erte oralýǵa barlyq jaǵdai jasalǵan. Dál osy vaktsina bizdiń elimizdi qutqarady, – dedi Gúlfairýz Qasymova. Ol sondai-aq áielderge vaktsinalanýdyń mańyzdylyǵyn túsindirýde erekshe ról atqarylatynyn atap ótip, barlyq almatylyq áielderdi azamattardyń ómiri men densaýlyǵynyń qaýipsizdigin qamtamasyz etýdiń ortaq isine qosylýǵa shaqyrdy.
Óz kezeginde, Aida Áljanova ýaqytynda vaktsinalanbaǵandyqtan, adamdardyń koronavirýs juqtyrýynyń joǵary ekenin atap ótti.
– Bizde sońǵy kúnderi ólim-jitim kóbeiýde, óitkeni qalamyz – elimizdegi eń kóp halqy bar megapolis. Virýs iri megapolisterde óte tez taralady. Odan shyǵýdyń jalǵyz joly – vaktsinalaný, – dep Aida Áljanova da oiyn ortaǵa saldy.
– El halqynyń pandemiiadan ujymdyq qaýipsizdigin qamtamasyz etý úshin halyqtyń kem degende 75%-yna vaktsinalaný qajet. Shyndyǵynda, álemniń kóptegen elderinde tapshylyq nemese olardyń múlde bolmaýy jaǵdaiynda Qazaqstanda vaktsina jetkilikti. Óz basym sáýir aiynda vaktsina aldym. Sodan beri bir kúnde jumystan qalǵan joqpyn, – deidi tehnika ǵylymdarynyń doktory Boris Japparov.
Onyń pikirinshe, búginde jurtshylyq Úkimetiń óz azamattaryna jasap jatqan múmkindikterin múlde elemeýde.
– Kez kelgen qoǵamda bolǵan jáne bola beretin nadan adamdardyń pikirin tyńdaýdyń qajeti joq. Barlyq qazaqstandyqtar azamattyq ustanymyn kórsetip, vaktsinatsiiaǵa barýy kerek, – dedi Boris Japparov.
Eske salsaq, joǵary jiilik burynǵydai 20-39 jas aralyǵyndaǵy kontingent arasynda tirkeledi – 35,6%, 40-59 jas – 24,2% jáne 60 jastan asqan – 23%, bul barlyq jaǵdailardyń 83% quraidy. Epidemiologtardy 60 jastan asqan adamdardyń dert juqtyrýynyń 1,5%-ǵa ulǵaiýy jáne 1 jasqa deiingi balalardyń aýrýhana aýrý halde túsýleri alańdatady.
[video width="480" height="848" mp4="https://dalanews.kz/wp-content/uploads/2021/08/ma.mp4"][/video]
