Prezident Qasym-Jomart Toqaevtyń búgingi bastamalary onyń buǵan deiingi joldaýlarynan jáne sailaý aldyndaǵy baǵdarlamasynan bastaý alǵan reformalardy odan ári damytýǵa arnaldy. QR Memlekettik keńesshisi Erlan Qarin Prezident Joldaýy týraly osyndai pikir bildirdi, dep habarlaidy Dalanews.kz.
"Memleket basshysy óz sózinde azamattardyń turmysyn jaqsartýdy kózdeitin júieli ekonomikalyq ózgeristerge basa nazar aýdardy. Prezident atap ótken barlyq toǵyz basymdyq memlekettik saiasatty dál osy mindetti oryndaýǵa jumyldyrady. Joldaýda júzge jýyq túrli bastamalar, ustynystar jáne tapsyrmalar bar. Mysaly, salyq júiesin muqiiat oilastyra otyryp qaita júkteý, shaǵyn jáne orta biznesti qoldaýǵa arnalǵan sharalar toptamasyn ońtailandyrý, aýyl sharýashylyǵy ónerkásibi úshin qoljetimdi nesie berý, ádil ári tiimdi tarif saiasatyn júrgizý, kólik infraqurylymyn jańǵyrtý, bilikti mamanda daiarlaý, jasandy intellektini damytý jáne jappai tsifrlandyrý, azamattardyń qaýipsizdigin jan-jaqty qamtamsyz etý siiaqty basymdyqtardy airyqsha atap óteýge bolady",-dep jazdy Memlekettik keńesshi óziniń Telegram arnasynda.
Sondai-aq ol Prezident qoǵamda bir jyl boiy talqylanyp jatqan Atom elektr stansasyn salý máselesine qatysty referendýmdy ótkizý kúnin belgilegenin atap ótti.
"Bul referendým – "Halyq únine qulaq asatyn memleket" tujyrymdamasynyń jáne Ádiletti Qazaqstan ideiasynyń júzege asyrylyp jatqanynyń taǵy bir aiqyn dáleli", - dedi ol.
Ol Memleket basshysy halyqty alańdatyp otyrǵan birqatar ózekti máselege arnaiy toqtalǵanyn da jetkizdi.
"Onyń ishinde internet-alaiaqtyq, jol apattary, áskerdegi tártip, narkobizneske qarsy kúres, meditsinalyq saqtandyrý júiesiniń kemshiligi, pedagogikalyq jáne meditsinalyq kadrlardyń tapshylyǵy, shaǵyn jáne orta biznes salasyn shekten tys memlekettik baqylaý, aýyl sharýashylyǵy statistikasyn burmalaý siiaqty túitkilderi bar.
Joldaýdaǵy kóptegen áleýmettik-ekonomikalyq bastamalar Memleket basshysy Ulttyq quryltaidyń otyrystarynda aitqan ideologiialyq tujyrymdardyń is júzinde júzege asyrylýynyń kórinisi bolǵanyn atap ótken jón", - dep atap ótti Memlekettik keńesshi.
