Qytaı Densaýlyq saqtaý ókiliniń aıtýynsha, preparatty qabyldaǵan pasıentter tezirek emdelip, olardyń ókpesi qalpyna kelipti.
Ońtústik Gýandýn provınsıasynyń Shenchjen qalasyndaǵy aýrýhanalardyń birinde koronavırýsy bar 80 pasıenttiń 35-i preparat qabyldaǵan. Tórt kúnnen keıin koronavırýsqa testiler teris nátıje kórsetken, al qalǵandarynyń jaǵdaıy ortasha eseppen 11 kúnnen keıin túzelgen. Taǵy bir uqsas zertteý Ýhan aýrýhanasynda júrgizilipti.
«Avıgan» degen de ataýy bar «Favıpıravırdi» tumaýdy emdeý úshin Fujifilm Holdings japon korporasıasy ázirlegen. Ol sondaı-aq Ebola bezgegine qarsy qoldanylǵan. Preparattyń jaǵymsyz áseri 2014 jyldan bastap tirkelmegen, sol jyly onyń satylymy Japonıada maquldanǵan edi.
