Belgili telejúrgizýshi, “Qazaqstan” RTRK arnasy basshysynyń keńesshisi Dınara Sátjan ózin aıyptaǵan sángerdi sotqa bermekshi. Sátjan «qoqan-loqqy kórsetti» dep aıyptaǵan sángerdiń shaǵymyna jaýap berdi.

– Aıaqqa turýǵa kómektesesiń, ol úshin aqsha beresiń, moraldyq turǵydan qoldaısyń, tipti toıyna barasyń. Biraq kúnderdiń kúninde ol mundaı jaǵdaıda ózim jettim dep shyǵady. Sosyn raqmeti joq bul adam beıádep áreketterge barady. Ondaı adamdardy unatpaımyn, múldem aralaspaýdy jón kóremin. Qyzǵanysh óz isin tyndyrmaıynsha, bizdiń jolymyz eshqashan toǵyspaıdy. Qymbatty Farıza, aıtyp jatqan sózderińniń rastyǵyn sotta dáleldeıtin bolasyń. Sebebi áleýmettik jelide jala jabý, namysqa tıý – oınaıtyn nárse emes, – dep málimdedi Dınara Sátjan.