Oǵan Qytaı, Úndistan, Reseı jáne t.b. shahmattan dástúrli myqty elderdiń atynan shyqqan álemniń úzdik sportshylary qatysty.
Rapıd – oılaýdyń ýaqyty shekteýli oıyn túri. Almatydaǵy týrnırlik qashyqtyq 11 týrdan turdy. Berilgen ýaqyt - búkil oıyn úshin árbir qatysýshyǵa 15 mınýt + 10 sekýnd.
Týrnır barysynda qazaqstandyq qazirgi kezdegi álemniń eń myqty shahmatshylarynyń biri reseılik Aleksandra Goráchkınany jeńdi.
Týrnırlik qashyqtyqty baǵyndyrǵan Qazaqstan sportshysy qytaılyq Tan Chjýnımen birdeı upaı jınady - 11 múmkin upaıdyń 8,5-i. Upaı sany birdeı bolǵan qyzdar chempıonattyń 1-shi jáne 2-shi oryndaryn ózara bólýge májbúr boldy. Mundaı jaǵdaılarda árqashan taı-breık oınalady. Birinshi oıynda teń túsip, ekinshi oıynda qazaqstandyq jeńilip qaldy. Aıta keteıik, taı-breıkke deıin Tan Chjýnı dopıng-test tapsyrýdan bas tartqan bolatyn. Oıyndardy erterek aıaqtaǵan Dınara prosedýradan ótti.
Qazaqstandyq eń bedeldi halyqaralyq grosmeısterlerdiń biri - ýkraınalyq Aleksandr Areshenkomen seriktestikte jumys isteıdi. Ol Dınaranyń daıyndyǵyn jaqsy dep baǵalady.
Sondaı-aq, qazirgi otbasylyq jaǵdaıǵa baılanysty Dınara Sádýaqasova kelesi 29 jáne 30 jeltoqsanda Almatyda ótetin blısten álem chempıonatyna, sondaı-aq jarystyń resmı jabylýyna qatysa almaıtynyn eskertemiz. Sportshy qyz áriptesterine aldaǵy oıyndarda sáttilik tilep, týrnırdi uıymdastyrýshylarǵa alǵysyn bildirdi.
Anyqtama:
Dınara Sádýaqasova áıelder arasynda halyqaralyq grosmeıster, halyqaralyq sheber. Qazaqstan quramasynyń múshesi. Onyń 14, 17, 18 jáne 20 jasqa deıingi qyzdar arasynda álem chempıony, áıelder arasynda Azıa chempıony ataǵy bar. 2020 jyly sportshy álemniń eń myqty 10 shahmatshysynyń qataryna endi, al 2021 jyly álem chempıonatynda úzdik segizdikke kirip, shırek fınalǵa shyqty.
