"Búgin meniń ómirimde tarixi este qalatyn erekshe kún! Ataqty akter Djeki Chan myrza meni teledidardan kórip, kezdesýge shaqyrdy! Kezdesýde akter maǵan óziniń ekskliýzivti kúrteshesin jáne arnaiy firmalyq án tyńdaý qurylǵysyn syiǵa tartty! Al men akterge qazaqtyń shapanyn jaýyp, dombyrany syiǵa tarttym! Dombyramen bir kúi shertip berýimdi ótingen Djeki Chanǵa Nurǵisanyń "Álqisasynan" shashý shashtym!", - dep jazdy ánshi.
Sonymen qatar, ol óz kezeginde akterdiń sońǵy Kung Fu Yoga kinokartinasyndaǵy bi qimyldaryn úiretkenin aitty. Aitýynsha, bala kezinen beri kele jatqan súiikti akteri oǵan óz aqyl keńesterin berip, shyǵarmashylyǵyn baqylaitynyn jetkizgen.
"Sóz sońynda, barsha Qazaqstan xalqyn jańa jyl merekesimen quttyqtap, ádemi lebiz-tilegin bildirdi! Kelesi kezdesýdi asyǵa kútemiz! Armandar oryndalady!", - dep jazdy Dimash Qudaibergen.
