Qylmystyq top basshysy Arman Jumageldıevtiń sybaılasy Birikken Arab Ámirlikterinen ekstradısıalandy,- dep habarlaıdy Dalanews.kz
Bas prokýratýra men İshki ister mınıstrliginiń qyzmetkerleri Qazaqstannyń Birikken Arab Ámirlikterindegi elshiliginiń qoldaýymen Dýbaıdan A.Jumageldıevtiń qylmystyq tobynyń sybaılasyn qaıtardy.
"Ol 2022 jylǵy 5-7 qańtar aralyǵynda Almaty qalasynda Jumageldıevtiń bandasy quramynda jappaı tártipsizdikke belsene qatysqan degen kúdikke ilindi. Qylmys jasalǵannan keıin kúdikti jasyrynǵan, shamamen úsh jyl boıy halyqaralyq izdeýde bolǵan, keıin Birikken Arab Ámirlikteri aýmaǵynda ustalǵan. Kúdikti Astana qalasyndaǵy tergeý ızolátoryna qamaldy", - dep jazylǵan habarlamada.
Aıta keteıik, bul qylmystar boıynsha on jyldan on bes jylǵa deıin bas bostandyǵynan aıyrý jáne múlkin tárkileý jazasy kózdelgen.
Eske salaıyq, 2025 jyly qańtarda Almatyda Dıkıı Arman laqapatymen tanymal Arman Jumageldıevtiń qylmystyq toby jappaı tártipsizdik uıymdastyrǵany jáne azamattardy urlaǵany úshin sottaldy.
