Dıkıı Arman laqapatymen tanymal Arman Jumageldıevtiń áıeli jelide jazba jarıalady,- dep habarlaıdy Dalanews.kz.
Jýyrda Dıkıı Armannyń anasy dúnıeden ozǵan edi.
"Myna vıdeoda apam, Armanym jáne Marıam Medına qyzym tórteýimiz. Bul - meniń eń súıikti vıdeolarymnyń biri. Bul jerde biz óte baqytty edik. Úlken úı satyp alamyz, sol jerde qyzymyzdy birge ósiremiz dep armandaýshy edik. Alla bizge az synaq bermedi. Enemdi qatty jaqsy kórdim. Enem meniń qorǵanym edi. Qıyn sáttegi qoldaýshym edi. Onyń ómirden ótkenine sene almastaı qıyn jaǵdaıdamyn. Ony tósegine kelip, burynǵydaı qushaqtaı almaımyn. Ol burynǵydaı Marıam ekeýimizdi kútip almaıdy. Enemniń denesin ózim jýdym. Jas sábıdeı ıisi ańqyp turdy. Juma kúni ketti. Ol sheıit boldy dep úmittenemin", – dep jazdy ol.
Aıta keteıik, Almaty qalalyq mamandandyrylǵan aýdanaralyq qylmystyq soty Qańtar oqıǵasy boıynsha Arman Jumageldıevti 20 jylǵa bas bostandyǵynan aıyrǵan bolatyn.
