Birqatar jábirlenýshilerden, keıbir aıyptalýshylardan jáne olardyń advokattarynan, sondaı-aq kýágerlerden jabyq rejımde sot otyrystaryn ótkizý týraly ótinishter kelip tústi.
Olar sottalýshylar tarapynan óz ómirleri men otbasylarynyń qaýipsizdigine naqty qaýip tónetinin málimdedi.
Aıyptalýshylar arasynda QR QK 362 (bılikti nemese laýazymdyq ókilettikterdi asyra paıdalaný), 262 (uıymdasqan topty, qylmystyq uıym qurý jáne olarǵa basshylyq etý, sol sıaqty olarǵa qatysý), 272 (jappaı tártipsizdik), 191 (tonaý), 126 ( bas bostandyǵynan zańsyz aıyrý), 268 (bandıtızm) baptary boıynsha 45 adam bar
Buǵan deıin İİM-de Arman Jumageldıevtiń 2021 jyly jeltoqsan aıynda shetelden kelgeni jáne qańtar oqıǵasy kezinde Almatyda bolǵandyǵy týraly habarlanǵan bolatyn.
Ol bes adamnan turatyn qylmystyq toppen 2022 jyly 7 qańtarda arnaıy operasıa kezinde ustaldy. Sodan keıin kúdiktilerden ártúrli markaly qarý-jaraq, sondaı-aq olarǵa oq-dáriler, sýyq qarý-jaraq jáne brondalǵan kólik tárkilendi.
Bas prokýratýra Jumageldıevtiń qarýly adamdary kezdeısoq ótip bara jatqan 24 beıbit turǵyndy urlap, kúshtep ustaǵanyn málimdedi.
