Qyrǵyz Respýblikasynyń premer-ministri Sadyr Japarov Qoshqar aýdanyna jumys sapary barysynda prezident sailaýyna qatysý úshin jeltoqsannyń basynda memleket basshysynyń mindetin ýaqytsha atqarý qyzmetinen ketetinin málimdedi.
- Men sailaýǵa basqalarmen teń dárejede túsemin. Eger meni sailap jatsa, prezident bolamyn, sailamasa, talaspaimyn, - dedi Sadyr Japarov.
Buǵan deiin Qyrǵyzstandaǵy prezident sailaýy 2021 jyldyń 10 qańtaryna josparlanǵan dep habarlanǵan bolatyn.
23 qazanda bul eldegi parlament sailaýy keiinge qaldyryldy. Ol 2021 jyldyń naýryzyna deiin ótýi kerek.
Joǵarǵy Keńeske sailaý jańa Konstitýtsiia jobasy qabyldanǵanǵa deiin keiinge qaldyryldy. Al qoldanystaǵy Konstitýtsiiaǵa ózgerister 2021 jyldyń 10 qańtarynan keshiktirilmei engizilýi kerek.
...
Qyrǵyzstan Ortalyq sailaý komissiiasy tóraǵasynyń orynbasary Abdyjapar Bekmatov merziminen buryn uiymdastyrylatyn sailaý qashan ótetinin aitty.
Onyń málimdeýinshe, prezident qyzmetten ýaqytynan buryn ketken jaǵdaida Jogorký Kenesh bir apta ishinde jańa prezident sailaýyn jariialaýy tiis, biraq olai bolmady, iaǵni sailaý avtomatty túrde belgilengen dep sanaldy.
"Odan soń OSK eki kún ishinde sailaý ótetin kúndi anyqtaýy tiis. Sol erejege súiengen komissiia prezident sailaýyn 10 qańtarǵa belgiledi. 15 qarashada kandidattardy usyný aiaqtalady. Ony saiasi partiialar men azamattar usyna alady. Ázirge eshqandai usynys túspedi", - dedi Bekmatov.
Onyń aitýynsha, OSK 7 jeltoqsanǵa deiin kandidattardyń qujattaryn qabyldaidy. Buǵan qosa, kandidattar kem degende 30 myń qol jinap, ony komissiiaǵa 3 jeltoqsanǵa deiin tapsyrýy tiis.
