Dýman Ramazan, jazýshy, jýrnalist: "Saqtansań saqtaidy" deidi
Buǵan qarý-jaraq dúkenderiniń tonalýy, elde haos týdyrýdy ádeii kózdegen toptardyń politsiia ǵimarattaryna, qalalyq ákimdikterge, áýejaiǵa, telearnalardyń ǵimaratyna shabýyl jasaýy naqty dálel desek bolady.
Memleket pen qoǵamǵa qarsy uiymdasqan top bolmasa, qarapaiym adamǵa mundai qanquily árekettiń eshqandai qajeti joq ekeni aidan anyq edi.
Sonyń saldarynan áleýmettik máselelerdi talap etip, kóshege shyqqan keibir jazyqsyz jandar qurban bolyp ketti. Muny aitýdyń ózi sumdyq. Eske túsirýdiń ózi de aýyr.
Biraq biz budan tolyqqandy sabaq alýymyz kerek.
Kei áreketter kózboiaýshylyqqa ulasty. Basty qylmyskerler tairańdap júrýi múmkin. Sondyqtan saqtanǵan jón. Áli de bilikke yqpaly kúshtileri bar. Qoldarynda qarjy da jeterlik. Eger bilik olardy aýyzdyqtaýǵa kirispese, talai qoiylymdarǵa kýá bolatyn siiaqtymyz.
Olar endigi kezekte bilik úshin talas-tartystar bolǵanyn qalaidy. Al ainalyp kelgende, qarapaiym halyq zardap shegip qalýy múmkin.
Onyń saldary aýyr bolady. Bálkim, sol kezde sabaq alarmyz. Áitpese bilikke kelýge múddeli basqa toptardyń jolyn kesý baǵytynda túpkilikti, tolyqqandy sharýalardy baiqai almai júrmin. Degenmen osy iske kiriskenimiz abzal.
