Air Astana 20 maýsymnan bastap Almaty-Dýbai-Almaty jáne 10 shildeden bastap Astana-Dýbai-Astana turaqty reisterin jandandyrýdy josparlap otyr. Iran áýe keńistiginiń jabylýyna bailanysty ushýlar Pákistan arqyly qaýipsiz jáne senimdi áýe qatynasyn qamtamasyz etý maqsatynda oryndalady, dep habarlaidy dalanews.kz.
Ushý kestesi kezeń-kezeńmen keńeitiletin bolady:
Almaty-Dýbai-Almaty
15-21 maýsym: aptasyna 2 reis (senbi, jeksenbi)
22 - 28 maýsym: aptasyna 4 reis (beisenbi, juma, senbi jáne jeksenbi)
29 maýsym - 5 shilde: aptasyna 6 reis (kún saiyn, seisenbiden basqa)
6 - 12 shilde: aptasyna 7 reis (kún saiyn)
Astana-Dýbai-Astana
10 - 19 shilde: aptasyna 3 reis (juma, senbi, jeksenbi)
20 - 26 shilde: aptasyna 4 reis (seisenbi, juma, senbi, jeksenbi)
27 shilde - 2 tamyz: aptasyna 5 reis (dúisenbi jáne sársenbi kúnderinen basqa barlyq kúnder)
3 - 9 tamyz: aptasyna 7 reis (kún saiyn)
Biletteri 31 shildege deiin qaita brondalǵan jolaýshylarǵa: 20 maýsymnan bastap - Almatydan Dýbaiǵa, 10 shildeden bastap - Astanadan Dýbaiǵa ushýǵa tegin qaita brondaý usynylady.
Áýe kompaniiasy aimaqtaǵy oqiǵalardy baqylaidy jáne Taiaý Shyǵystaǵy jaǵdaiǵa bailanysty ushý kestesin túzetýi múmkin, sondai-aq qosymsha ózgerister bolǵan jaǵdaida jolaýshylardy habardar etedi.
