Áleýmettik jelide Nurlan imamnyń taǵy bir málimdemesi tarady. Nurlan Baijigituly bul joly dombyrany aram deitinderge qatysty pikir bildirgen,- dep habarlaidy Dalanews.kz.
Keiingi kezde qoǵamda qazaqtyń ulttyq qundylyqtaryna, rýhani murasyna til tigizý etek alǵan. Sonyń ishinde dombyra týraly sóilep, jurttyń synyna qalǵandar kóp.
Imamnyń sózinshe, mundai adamdardyń duǵasy qabylmaidy.
"Dombyrany aram degen adamnyń, dombyra haram degen adamdardyń duǵasy qabyl bolmaidy. Sondyqtan qazaqtyń dombyrasyna til tigizgen adamdardyń namazy qabyl bolmaidy", - dedi ol.
Aita keteiik, bul máseleni buǵan deiin DALA INSIDE zerdelegen edi.
Dombyra men Naýryzdy haram deý, Qazaqstan týyna arab qylyshyn qoiyp nikabpen fotoǵa túsý siiaqty áreketterdiń kóbeiýi bilikti oilandyryp otyr.
"Jaqyn arada salafizm, vahabizm ideologiiasymen aqparattyq keńistikte kúresý boiynsha arnaiy shtab qurylýy múmkin. Oǵan myqty ideologtar, psihologtar, PR mamandary, jýrnalister men internette tanymal tulǵalar tartylýy tiis. Ózara bul shtabqa "anti PRONTO" degen kodtyq ataý qoiyldy", - dedi DALA INSIDE derekkózi buǵan deiin.
Bul tusta Nurlan imam meshit emes, mektep kóbirek qajettigin, qazaqtyń salt-dástúrleri men yrymdarynyń haram emestigin keńinen aita bastaǵan.
"Biraq jalǵyz imamnyń kúshi jetkiliksiz. Sondyqtan shtab qajet dep tapsa, onda bul operatsiiaǵa "Máńgilik el" botofermasy tartylýy múmkin. Elimizdegi nómiri ekinshi botoferma halyqaralyq PRONTO-men kádimgidei kúrese alady", - dedi buǵan deiin arna.
Jelide taraǵan kezekti video osynyń kórinisi bolsa kerek.
