Qazaqstanda teńge nyǵaisa da, dúkendegi baǵa birden tómendei qoimaidy. Munyń sebebin Ulttyq ekonomika ministrligi qarapaiym tilmen túsindirdi, dep habarlaidy Dalanews.kz.
Ministrliktiń Informburo.kz-ke bergen málimetinde teńge álsiregen kezde syrttan keletin taýarlar birden qymbattaityny aitylǵan. Al teńge kúsheigende baǵa sol jyldamdyqpen birden tómendemeidi. Sebebi kásipkerler buryn kóterilgen shyǵyndaryn lezde azaita almaidy. Oǵan qosa, olar valiýta baǵamynyń qaita qubylyp ketý qaýpin de eskerip, baǵany saqtap qalady.
"Qazaqstanda kóptegen taýar shetelden ákelinetindikten, olardyń baǵasy dollarǵa táýeldi. Ásirese tehnika, kólik, dári-dármek, qant, sút ónimderi siiaqty kúndelikti tutynatyn zattardyń baǵasyna valiýta tikelei áser etedi", - delingen jaýapta.
Taǵy bir mańyzdy jait – baǵa ózgerisi birden emes, ýaqyt óte baiqalady. Óitkeni kásiporyndar óz shyǵyndaryn aldyn ala eseptep, valiýtadaǵy ózgeristerdi baǵaǵa birtindep qosady.
