Jetisý polıseıleri «Ańdar shahary» keıipkerlerin ruqsatsyz paıdalanǵany úshin jaýapqa tartylýy múmkin, dep habarlaıdy Dalanews.kz.

Bul týraly Ádilet mınıstrliginiń ókili Sholpan Ábdireeva habarlady.

Onyń aıtýynsha, kez kelgen memlekettik organ beınematerıal ázirleý barysynda múltfılm keıipkerlerin qoldansa, avtorlyq quqyq ıelerinen resmı túrde ruqsat alýy mindetti.

«Qazaqstanda avtorlyq quqyq týyndy jasalǵan sátten-aq paıda bolady. Sondyqtan Disney ónimderin, «Ańdar shahary», Chebýrashka, Aldar-Kóse jáne basqa da keıipkerlerdi ruqsatsyz paıdalaný zań buzýshylyq bolyp sanalady. Avtorlyq quqyqty zańsyz qoldanǵan jaǵdaıda azamattyq jáne qylmystyq jaýapkershilik kózdelgen», - dedi vedomstvo ókili.