Májilis depýtaty Muqash Eskendirov ipoteka berý sharttaryn jeńildetý qajet ekenin málimdedi, dep habarlaidy Dalanews.kz.
Ol premer-ministrdiń birinshi orynbasary Roman Skliarǵa depýtattyq saýal joldap, Jambyl oblysyn aralaý barysynda baiqaǵan máselelerdi jetkizdi.
"Kommýnaldyq menshiktegi turǵyn úi qorynan jaldamaly baspana berý máselesi. Jambyl oblysy boiynsha kommýnaldyq turǵyn úi qorynan páter alý kezegine 57 434 azamat tirkelgen. 2025 jyly halyqtyń áleýmettik osal toptaryna jalǵa beriletin turǵyn úi satyp alýǵa respýblikalyq biýdjetten 21,5 mlrd teńge bólinip, 1 425 páter satyp alyndy. Alaida satyp alynǵan páterlerdi osal toptaǵy azamattarǵa úlestirýde qoldanystaǵy zańnamaǵa engizilgen tolyqtyrýlar men ózgerister kedergi bolyp otyr", - dedi depýtat.
Sonymen qatar, depýtattyń aitýynsha, turǵyn úi qurylysy jinaq aqshasy júiesi arqyly jeńildetilgen ipotekalyq turǵyn úilerdi satý máselesi de bar.
"Osal toptaǵy azamattarǵa satylatyn páterlerdiń úlesin 70%-dan 50%-ǵa deiin tómendetý jáne/nemese ipotekalyq turǵyn úi qaryzdaryn berý sharttaryn jeńildetý múmkindigin qaraýyńyzdy suraimyz", - dedi ol.
