Májilis depýtaty Amanjol Áltai ulttyq qundylyqtarymyzdy qorǵaityn zań qajet ekenin jetkizdi, dep habarlaidy Dalanews.kz.
"Shet elden kelgen estrada ánshileri, basqa da árkimniń iyǵyna jaba beretin ol (shapan – red.) qoljaýlyq emes. Qazaqtyń shapany han kise de, qara kise de, qasterlep kigen ulttyq qasterli múlkimiz. Sondyqtan da biz shapannyń qadir-qasietin tómendetpeýimiz kerek. Qazaqtyń shapanyndaǵy ár oiýdyń ózi «sóileidi». Onyń ózi úlken mádeniettiń úlgis", - dedi depýtat.
Osy tusta ol belgili bir shekteýler engizip, zań qabyldaýdy usyndy.
"Biz keshe ǵana muhittyń ar jaǵyna barǵan óner ujymy jalańash ústine oiý japsyryp alyp barǵandyǵy – tól mádenietimiz ben ulttyq qundylyqtarymyzǵa túsken qara tańba. Aldaǵy ýaqytta ulttyq qundylyqtarymyzdy qorǵaityn zań kerek dep oilaimyn. Oiý-órnek, shapanymyzdy zańmen qorǵaýymyz qajet", - dedi.
Eske salaiyq, buǵan deiin amerikalyq reper Snoop Dogg-pen birge AQSh-ta án shyrqaǵan Kesh You tobynyń sahnalyq kiimi kópshiliktiń synyna ushyraǵan edi.
