Talqylaý kezinde birneshe depýtat politsiia men arnaiy jasaqqa qatysty usynys aitty. Depýtat Berik Dúisenbinovtiń sózinshe, zańǵa arnaiy jasaqtyń etikasy týraly engizý kerek.
- 25 adam kóshege shyqsa, 250 politsiia qosa shyǵady. Halyq mitingige shyqqandardan góri arnaiy jasaqtan qorqady. Soǵys bolyp jatqan siiaqty.
Sol arnaiy jasaqtyń etikasy týraly engizýge bolmai ma? Bastyqtyń, ministrdiń balasy kóshede politsiia bolyp adam ustap júrgen joq.
Olardyń bári ózimizdiń balalarymyz. Biz olardy jaý qylyp boldyq, - dedi depýtat Dúisenbinov.
- Bizdiń maqsatymyz – miting mádenietin qalyptastyrý. Halyq mitingige shyqqysy kelmeidi, biraq halyq eger shyqqysy kelse, sol quqyǵyn berýimiz kerek, - dedi óz kezeginde Dáýren Abaev.
