Depýtat-kásipkerler nemen ainalysýy kerek?
Bul týraly Qazaqstan kásipkerleriniń quqyqtaryn qorǵaý jónindegi ýákil Bolat Palymbetov Almaty oblysy kásipkerleriniń esep berý kezdesýinde málimdedi. Onyń aitýynsha, biznes-qaýymdastyq salyq, kedendik kodeks jobalaryn talqylaýǵa, zańnamany jaqsartýǵa belsendi atsalysýy qajet.
«Biznesmender ekonomikany jasaidy. Sondyqtan, sizder zań shyǵarý qyzmetine belsene aralaspasańyzdar, erteń bul zańdardy sizdersiz qabyldaidy. Enjarlyq tanytýǵa bolmaidy. Búginde «Atameken» Ulttyq kásipkerler palatasy jumys komitteriniń barlyq salalarynda usynylǵan. Alaida, sizder de usynys engizýde belsendilik tanytýlaryńyz qajet», – dedi Palymbetov.
Sondai-aq, biznes-ombýdsmen Kásipkerler palatasynyń nazaryn barlyq jergilikti máslihattarda depýtat-biznesmenderdiń usynylǵandyǵyna aýdardy.
«Máselen, oblystyq máslihatta 27 depýtat-biznesmen bar, ol barlyq sailanýshylardyń 61%-na teń. Taldyqorǵandaǵy qalalyq máslihatta 15 depýtattyń 7-ýi kásipker. Qapshaǵaida da 7 depýtat-biznesmen bar, al Tekelide 12 depýtattyń 2-ýi ǵana kásipker. AlAlakól aýdanynda 23 depýtattyń 11-i, Eńbekshiqazaq aýdanynda 12-si kásipker. Olardy biýdjettik komissiia jumysyna, basqa da ózekti máselelerdi talqylaýǵa tartyńyzdar», – dep usynys bildirdi Qazaqstan kásipkerleriniń quqyqtaryn qorǵaý jónindegi ýákil.
Sonymen qatar, onyń pikirinshe, memlekettik satyp alýdyń ashyqtyǵyn qamtamasyz etý maqsatynda komissiiaǵa biznes-qaýymdastyqtyń ókilderin qosý qajet.
«Kóptegen másele aqparattyń joqtyǵynan týyndaidy, sonyń saldarynan túrli joramal týyndaidy. Satyp alý jónindegi komissiia músheleriniń arasynda kásipkerlik qaýymdastyqtyń ókilderi joq bolǵandyqtan, olardy barlyq komissiialardyń quramyna engizý kerek», – dep atap ótti biznes-ombýdsmen.
Almaty oblysy Óńirlik kásipkerler palatasynyń tóraǵasy Rimma Salyqova da biznesmenderdi qoǵamdyq komissiialardyń jumysyna qatysýǵa shaqyrdy.
«Óńirlik keńes janynda agroónerkásip keshenin, týrizm men ónerkásipti damytý jónindegi komitetter jumys isteidi. Ár kásipker-depýtat olarǵa qatysyp, usynystar men eskertýler engize alady. Kásipkerlik qyzmettiń jandanýy sizderdiń belsendilikterińizge bailanysty. Jumysty jandandyrý maqsatynda aýdandarda kóshpeli otyrystar ótkizýdemiz», – dedi R.Salyqova.
Otyrys barysynda biznesmender ózderiniń problemalyq máselelerin talqyǵa salyp qanaq oimai, óz usynystaryn da bildirdi. Máselen, óńirlik keńestińm úshesi, «Áli-Bastaý Arna» JShS direktory QairatMáńlikov 12% QQS saqtai otyryp, arnaiy tehnikadan kedendik baj salyǵy men kólikten kádege asyrý salymyn alyp tastaýdy usyndy. Onyńa itýynsha, bul shara kólik satyp alý men tasymaldaý protsessin jeńildetedi.
Biznesmen Pavel Siýbar biznestiń keibir salalaryna POS-terminaldar ornatý jaiy týraly másele kóterdi. «Bizdiń ofisimiz qalanyńo rtalyǵynda ornalasqan. Alaida, osy ýaqyttyń ishinde eshbir adam bank kartasyn paidalana otyryp video baqylaý júiesin, órt qaýipsizdigi júiesin, kabeldik ónimderdiń birin satyp alǵan joq. Terminaldardy azyq-túlik dúkenderine ornatý oiǵa qonymdy. Biraq, tehnikalyq taýarlardy satyp alǵanda tólem shotpen júrgiziledi. Osyǵan bailanysty biz POS-terminaldardyń mańyzyn kórmei otyrmyz. Degenmen, zańnama boiynsha kassalyq apparaty bar biznes sýbektilerinde osyndai terminaldar bolýy qajet», – dedi biznesmen.
Kezdesý qorytyndysyn shyǵara otyryp, Qazaqstan kásipkerleriniń quqyqtaryn qorǵaý jónindegi ýákil Bolat Palymbetov joǵaryda atalǵan usynystardyń barlyǵy da jumys toptarynda qaralatyndyǵyna sendirdi.
