Shymkentte jaǵaustatarlyq jaǵdai tirkeldi. 30 jastaǵy áiel týǵan balalaryn aiaýsyz uryp-soǵyp, denesin útikpen kúidirgen. Anasynan zábir kórgen ul men qyz qazir aýrýhanada jatyr, dep habarlaidy Dalanews.kz Almaty.tv-ǵa siltep.
Týǵan anasynan qorlyq kórgen balalardyń biri on jasta, ekinshisi segizde. Telearna málimetinshe, anasy olardy aiaýsyz sabap qana qoimai, denesine útik basqan.
"Qyzdyń shashyn alǵan, balanyń shashyn ortasynan arqaǵa qarai alǵan. Eki janynda shashy tur. Balanyń aýzyna shanyshqyny qyzdyryp basqan. Balalar ózine kelip, sóilep jatyr. Bilmeimin, aiýandyq", – dedi balalardyń týysy.
Qazir bul jaǵdaidy tiisti organdar baqylaýyna alǵan. Olar istiń aq-qarasyn anyqtap, áieldi ata-ana quqyǵynan aiyrý máselesin qarap jatyr.
"Anasyna qatysty qylmystyq is tirkelip, tergeý júrgizilip jatyr. Aldaǵy ýaqytta qandai sheshim shyǵatyny sot arqyly anyqtalady", – dedi bala quqyqtary jónindegi óńirlik ýákildiń kómekshisi Abai Pahynbetov.
Búginde zorlyq kórgen balalar ájesiniń qasynda, aýrýhanada emdelip jatyr. Odan keiingi úsh jáne bir jasar qos búldirshin sábiler úiine ornalastyrylǵan. Endi týystary balaqailardy anasyna bermei, qamqorlyǵyna alýdy kózdep otyr.
