Almaty ákimi Erbolat Dosaev qalada jer silkinisi kezinde habarlaityn jańa júie engiziletinin aitty, - dep habarlaidy Dalanews.kz.
Bul Memleket basshysynyń 2024 jylǵy 25 qańtardaǵy tapsyrmasy aiasynda iske asyrylmaq.
"Almaty qalasy ákimdigi pilottyq rejimde Tsifrlyq damý, innovatsiialar jáne aeroǵarysh ónerkásibi ministrligi jáne Tótenshe jaǵdailar ministrligimen birlesip, qala turǵyndaryn tótenshe jaǵdailar týraly jedel habardar etý úshin biyl mamyrdyń sońyna deiin 475 million teńge bólingen Cell Broadcast tehnologiiasyn paidalana otyryp, Mass Alert qaǵidaty boiynsha halyqty jedel qulaqtandyrý júiesin engizýdi josparlap otyr", - dedi ol.
Onyń sózinshe, bul júieniń dástúrli SMS-ten aiyrmashylyǵy Cell Vroadcast tehnologiiasy jelige qosymsha júkteme túsirmeidi jáne barlyq abonent úshin jedel ári jappai habar taratýǵa, habarlaý ýaqyty men jiiligin qamtamasyz etýge múmkindik beredi.
Aita keteiik, qańtarda da Almatyda turǵyndar jer silkinisin sezdi. Osy oqiǵadan keiin tótenshe jaǵdai kezinde turǵyndarǵa erterek habarlaityn dabyl júiesi isten shyqqany týraly aqparat tarady. Keiin bul Antikordyń nazaryna ilikkeni belgili boldy. Búgin brifingte tótenshe jaǵdailar ministri Shyńǵys Árinovten Almatydaǵy jer silkinisin habarlaity dabyl júiesine qatysty tergeý barysy týraly suraldy. Sý jańa ministr bul suraqqa mardymdy jaýap bermedi.
"Almaty Tótenshe jaǵdai departamentine bailanysty 23 qańtardan keiingi is-qimyldarǵa qatysty tekseris júrgizilip jatyr Ázirge qorytyndy shyqqan joq. Tergeý barysy, nátijeleri týraly aiaqtalǵannan keiin bilemiz. Tekseris dabyl júiesi boiynsha jáne osy júieni satyp alý jónindegi is-qimyldarǵa bailanysty júrgiziledi", - dedi ol.
Buǵan deiin "Ádildik joly" qoǵamdyq birlestiginiń atqarýshy direktory Didar Smaǵulov Facebook-te Almatydaǵy jer silkinisi týraly erterek habarlaýǵa jaýapty jáne bul qyzmeti úshin 1,1 milliard teńge alǵan kompaniia Nuraly Álievke tiesili dep málimdegen bolatyn.
Al odan keiin Sybailas jemqorlyqqa qarsy qyzmet ókili Almatydaǵy jer silkinisin habarlaityn dabyl júiesine qatysty tekseris bolatynyn málimdedi.
Tiisti ótinishti vedomstvonyń Almaty qalasyndaǵy departamenti tirkegen bolatyn.
