Belgili aktrisa, prodiýser ári ánshi Dariǵa Badyqova jaqynda kórermenge jol tartqan gollivýdtyq “Moana” mýltfilmine barǵan qazaqstandyqtardy synǵa aldy, dep habarlaidy Dalanews.kz.
Aita keteiik, atalǵan týyndymen qatar óner iesiniń “Taptym-aý seni” filminiń jalǵasy jaryqqa shyqqan edi. Osy tusta ol halyqtan ózge emes, óz eliniń týyndylaryna qoldaý bildirýin surady.
“Moanaǵa" baryp "pozor" bolmaiyq. Bóten elge aqshany jiberip, olardy baiytýdy qoiǵanymyz durys. Ashyǵyn aitamyn, 27 qarashada “Moanaǵa” barǵan qazaqtar boldy. Alaida olardy sókpeimin. Tek qandai qazaq ekenin túsinbeimin. Sondyqtan baiysa, qazaq baiysyn. Eshteńe joq”, – dedi aktrisa.
Eske salaiyq, byltyr óner iesi "Taptym-aý seni" filmin 108 mln teńgege túsirgen bolatyn. Al týyndynyń tabysy milliard teńgege jýyq kassa jinady.
Prodiýser retinde alǵashqy tájiribesin bastaǵan Badyqova atalǵan týyndysynyń saýndtregin ózi oryndaǵan bolatyn.
