Halyqpen alǵashqy jartyjyldyqtaǵy kezdesýlerde kóterilgen máselelerdiń oryndalý barysy saralandy. Óńir basshysy kemshilikterge jeke-jeke toqtalyp, jumys barysyndaǵy olqylyqtardy qatań synǵa aldy. Jumysty shiratýdy tapsyryp, olardy tez arada retke keltirý úshin aýdan ákimine 1- shildege deiin ýaqyt berdi. Qyzmetine sáikes kelmeitin basshylar men memlekettik qyzmetshilerge shara kóriledi.
Májiliste Qazyǵurt aýdanynyń ákimi Azizhan Ismailov 2022 jyly atqarylǵan jumystar boiynsha esep berdi. Barlyq saladaǵy kórsetkishter baiandalyp, qarjyny talap etetin jobalar ortaǵa salyndy.
Qazyǵurttyń damý barysy talqylanǵan májiliste Darhan Satybaldy aýdan ákimine investitsiia tartý, kásipkerlerge qoldaý kórsetý, turǵyndarǵa memlekettik baǵdarlamalar men jeńildikter týraly aqparat berý, aýyl sharýashylyǵyn jandandyrý, infraqurylymdy jaqsartý, bilim jáne meditsina salasyn jańǵyrtý jáne ózge de máseleler boiynsha jumys atqarýdy tapsyrdy. Árbir orynbasar men bólim basshylarynyń ýájderi tyńdaldy.
Túrkistan oblysy ákimi apparatynyń basshysy Erkeǵali Álimqulov aýdanyń ekonomikalyq-áleýmettik damýyndaǵy kedergilerge toqtaldy. Anyqtaǵan birqatar kemshilikter boiynsha qolǵa alynatyn sharalardy baiandap berdi. Taldaý qorytyndysy negizgi kórsetkishterdiń tómendegenin kórsetken. Aýyl sharýashylyǵy salasynda qoiylǵan mejeler oryndalmaǵan. Qurylys jumystary boiynsha bekitilgen jospar júzege aspaǵan. Kiris kólemi tómendegen. Aýdanda salyq bazasyn ulǵaitý boiynsha rezervter kóp. Salyq salý obektileriniń (toihana, janarmai quiý stantsiiasy, t.s.s) baǵalaý qundary naryqtyq baǵadan tómen baǵalanǵan. Tiisinshe salyq az tólenýde.
Tazalyǵy syn kótermeitin ǵimarattar men onyń aýmaǵy kúl-qoqysqa tolǵan nysandardyń jaýapty basshylary qatań synǵa alyndy. Kópqabatty turǵyn úiler, mádeniet, sport, meditsina jáne bilim berý nysandarynyń, demalys oryndary men balalar alańshalarynyń kútip-ustaýy tómen deńgeide. Kósheler men jol sapasyna da syn óte kóp.
Jumysty shiratyp, jospardy oryndaý kerek. Aýdan biýdjetiniń túsimderin ulǵaitý boiynsha naqty sharalar qabyldasyn. Nátijesi baiandalsyn.
Talap óte joǵary. Halyqqa shyn jany ashityn azamattar jumys isteýi kerek. Jumys istegisi kelmeitin adam syltaý izdeidi. Aqtalýdyń qajeti joq. Sizderge qoiylatyn talap bar, maǵan qoiylatyn talap bar. Artyq eshnárse suramaimyz.
Memlekettik kirister basqarmasymen birlese aýdan biýdjetiniń túsimderin ulǵaitýdy qolǵa alyńyz. Aýdannyń damýy boiynsha basty baǵyttardy belgilep, damý josparyn ázirlep, aýdannyń investitsiialyq klimatyn jaqsartý qajet.
Bilim salasyndaǵy ózekti máselelerdi júieli túrde sheshýge kúsh salynsyn. Jańa óndiris oryndaryn ashyp, turǵyndardy jumyspen qamtamasyz etý qajet. Tazalyqqa mán berilsin. Jyldar boiy qaraýsyz qalǵan soń ǵimarattar osyndai deńgeige túsken. Tek biýdjetke táýeldi bolsaq, is alǵa baspaidy. Jańa formatta jumys isteýge bet burý shart. Izdenis kerek, – dedi Darhan Satybaldy.
Oblys ákimi bilim, mádeniet, memlekettik baǵdarlamalardy júzege asyrý, sport, densaýlyq saqtaý, abattandyrý, tazalyq saqtaý, jastarǵa qoldaý kórsetý jumystaryn da udaiy nazarda ustaýdy tapsyrdy. Kemshilikke jol bergen basshylarǵa eskertý berdi.
Jańa formattaǵy kezdesýlerde oblys ákiminiń basshylyǵymen máseleler ashyq aitylyp, sheshý joldary qaralady. Barlyq sala zerdelenedi. Osy arqyly óńirdi damytý jumys sapasyn jaqsartý, eldiń ótinishteri men usynystaryn sapaly oryndaý, oblystyń damý kórsetkishin jaqsartý kózdelgen.
