Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Darhan Satybaldy Kentaýda oryn alǵan tótenshe oqiǵa saldaryn joiý boiynsha keńes ótkizdi

Dalanews
Darhan Satybaldy Kentaýda oryn alǵan tótenshe oqiǵa saldaryn joiý boiynsha keńes ótkizdi
Kentaý qalasyndaǵy jylý berý ortalyǵynda Túrkistan oblysynyń ákimi Darhan Satybaldynyń tóraǵalyǵymen aýa raiynyń qolaisyzdyǵyna bailanysty oryn alǵan jaǵdailar jáne onyń saldaryn joiýǵa bailanysty jaýapty sala basshylarynyń jáne quqyq qorǵaý organdarynyń qatysýymen keńes ótti.

Shtab otyrysynda oblys basshysyna oryn alǵan jaǵdailar boiynsha atqarylǵan jumystar týraly baiandaldy. Oryn alǵan jaitqa qatysty tyńǵylyqty tekserý júrgizip, naqty sebebin anyqtaýdy júktegen ákim strategiialyq mańyzdy nysanda jaryqtyń sónýiniń aldaǵy ýaqytta jol berilmeýin qatań eskertti.

Daýyldy jelden zaqymdalǵan elektr jelilerin qalpyna keltirý barysy týraly «Ońtústik Jaryq Tranzit» JShS-niń bas direktory Murat Ibragimov, qatty jeldiń saldarynan oblys kóleminde zardap shekken nysandar men oryn alǵan tótenshe jaǵdailar departamentiniń basshysy Asqar Tóleshev, oblystaǵy operativtik jaǵdai týraly oblystyq politsiia departamentiniń basshylyǵy baiandady.

Oblys ákimi jaýapty sala basshylaryna naqty tapsyrmalar júktep, oryndalý merzimin aiqyndap berdi. Oblys ákiminiń birinshi orynbasary Zulpyhar Joldasovqa jumys barysyn tikelei baqylaýǵa alýdy mindettedi.

Daýyldy jelden elektr energiiasy birneshe ret ​sónip, ortalyq qazandyqtardyń jumysy birer ýaqytqa toqtaǵan bolatyn. Qazirgi tańda 4 qazandyq shtattyq rejimde jumys atqaryp tur.

Bolǵan jaitqa bailanysty tekserý júrgizýdi tapsyrǵan oblys ákimi jylý ortalyǵynda táýlik boiy kezekshilik uiymdastyrýdy júktedi. Qalanyń keibir aýmaqtarynda qatty jeldiń saldarynan sóngen abonentterdiń elektrenergiiasyn qosý jumystary júrgizilýde.

– Aýa raiynyń qolaisyzdyǵynan oryn alǵan jaǵdailardyń saldaryn joiý úshin shuǵyl túrde tiisti sharalardy júzege asyryp, birinshi kezekte oblys turǵyndarynyń qaýipsizdigin, sonymen qatar turǵyndardy sapaly infraqurylymdyq qyzmettermen qamtamasyz etý qajet.

Jeldiń saldarynan zardap shekken nysandardy anyqtap, olardy qalpyna keltirý boiynsha sharalardy shuǵyl túrde uiymdastyrý kerek. Eń bastysy - turǵyndarǵa qolaily jaǵdai jasaý. Jumysqa asa jaýapkershilikpen qaraýdy tapsyramyn, – dedi Darhan Amangeldiuly.

Túrkistan oblysynyń ákimi Darhan Satybaldy jaýapty tulǵalarmen birge strategiialyq nysandy aralap, jumysshylarmen júzdesti.

Ortalyq jylý júiesi arqyly 14 myń abonent ortalyqtandyrylǵan jylýǵa qosylǵan. Onyń 100-den astamy biýdjettik mekemeler bolsa, 336 kópqabatty turǵyn úi, 2 myńnan astam jeke sektordaǵy úiler. Sondai-aq, 4 myńdai kommertsiialyq nysan atalǵan ortalyqtan jylý alyp otyr.

Aita keteiik, 1934 jyly salynǵan №5 JEO-nyń negizgi materialdyq jabdyqtarynyń 85 paiyzy tozǵan. Búginde Kentaý qalasynda jańa jylý ortalyǵyn salý máselesi qarastyrylyp jatyr. JEO elektr energiiasyn óndiredi jáne Kentaý qalasynyń turǵyndaryn jylýmen qamtamasyz etetin jalǵyz strategiialyq nysan bolyp tabylady.

Sońǵy 10 jylda alǵash ret 6 qazandyqta kúrdeli jóndeý jumystary júrgizildi.

 

[video width="720" height="1280" mp4="https://dalanews.kz/wp-content/uploads/2023/12/VID-20231214-WA0097.mp4"][/video]
Madina Sádýaqasova

Oqi otyryńyz