Sábidiń aty-jóni – Asqar Álimhan Erǵaliuly. Túrkistan oblysynyń ákimi Darhan Satybaldy Jetisai aýdany, «Asyqata» aýrýhanasyna arnaiy baryp, 20 millionynshy sábidiń ata-anasyn quttyqtady. El Prezidenti Qasym-Jomart Toqaevtyń quttyqtaýyn jetkizdi.
– Búgin biz elimiz úshin tarihi ári qýanyshty sátte jolyǵyp turmyz! Elimizde halyq sany 20 millionǵa jetti. 20 millionynshy turǵyndardyń biri – Túrkistan oblysy, Jetisai aýdanynda dúniege keldi. Kishkentai batyrymyz 14 qarashada, tańǵy saǵat 08:10-da «Asyqata» aýrýhanasynda dúnie esigin ashty.
Qatarymyzdy Asqar Álimhan Erǵaliuly degen batyrymyz tolyqtyryp otyr. Ata-anasyn, barsha oblys turǵyndaryn shyn júrekten quttyqtaimyn. Balanyń baýy berik bolsyn!
Ózderińiz biletindei, Memleket basshysy Qasym-Jomart Kemeluly eldi quttyqtap, sálemdemesin joldady. Búgin Prezidentimizdiń quttyqtaýyn saltanatty túrde jetkizý úshin kelip turmyz. Uly dala irgesi urpaǵymen berik.
Qasietti Túrkistan óńirinde Qazaq eliniń 20 millionynshy turǵyny týǵanyna óte qýanyshtymyz. Biz batyr analarymyzben maqtanamyz. Jyl saiyn respýblikamyzda dúniege keletin 400 myńnan astam balanyń árbir jetinshisi Túrkistan oblysynda dúniege keledi. Búginde oblys halqynyń sany 2 millionnan asty. Túrkistan óńiri elimizde adam kapitalyn kóbeitýge airyqsha úles qosyp jatyr.
20 millionynshy balany dúniege ákelgen ananyń aty-jóni – Iztileýova Gúlmira Beisenbaiqyzy. Tórt balanyń anasy 1988 jyly ómirge kelgen. Jetisai aýdany, Asyqata kentiniń turǵyny «Jeńis» mektebinde biologiia pániniń muǵalimi. Ákesi – Shakenov Erǵali Asqaruly. Jaldamaly jumysshy. Náresteniń salmaǵy – 3400 gramm, boiy – 51 sm.
Aita keteiik, Túrkistan oblysy – elimizdegi eń demografiiasy joǵary aimaq. Oblysta 2022 jyly 57 429 bala dúniege kelgen. Biyl jyl basynan beri oblysymyzda 45 594 sábi dúnie esigin ashty. Byltyr óńirde 15 úshem, 594 egiz týsa, biyl 5 úshem, 500 egiz Qazaqstannyń jańa azamattarynyń sanatyna qosyldy.
Qazirgi tańda, oblysta 177 myńnan asa kópbalaly ana bar. Onyń ishinde 15 myńnan asa «Altyn alqa» iegeri, 43 myńnan asa «Kúmis alqa» iegeri sanaly urpaq ósirip jatyr. 2023 jylǵy 10 ai qorytyndysy boiynsha óńirde 8475 jup nekege turdy. Jańa, jas otbasylar sany artýda.
2023 jylǵy 14 qarashada oblysta 139 bala týdy. Barlyǵyna da sapaly meditsinalyq kómek kórsetildi. Oblys aýmaǵynda ana men bala densaýlyǵyn jaqsartý baǵytynda aýqymdy jumys júrýde. Óńirde 22 perzenthana bar. Meditsinalyq mekemelerdiń jaǵdaiyn jaqsartý boiynsha jumys jalǵasady.
