سەبيدٸڭ اتى-جٶنٸ – اسقار ەلٸمحان ەرعاليۇلى. تٷركٸستان وبلىسىنىڭ ەكٸمٸ دارحان ساتىبالدى جەتٸساي اۋدانى, «اسىقاتا» اۋرۋحاناسىنا ارنايى بارىپ, 20 ميلليونىنشى سەبيدٸڭ اتا-اناسىن قۇتتىقتادى. ەل پرەزيدەنتٸ قاسىم-جومارت توقاەۆتىڭ قۇتتىقتاۋىن جەتكٸزدٸ.
– بٷگٸن بٸز ەلٸمٸز ٷشٸن تاريحي ەرٸ قۋانىشتى سەتتە جولىعىپ تۇرمىز! ەلٸمٸزدە حالىق سانى 20 ميلليونعا جەتتٸ. 20 ميلليونىنشى تۇرعىنداردىڭ بٸرٸ – تٷركٸستان وبلىسى, جەتٸساي اۋدانىندا دٷنيەگە كەلدٸ. كٸشكەنتاي باتىرىمىز 14 قاراشادا, تاڭعى ساعات 08:10-دا «اسىقاتا» اۋرۋحاناسىندا دٷنيە ەسٸگٸن اشتى.
قاتارىمىزدى اسقار ەلٸمحان ەرعاليۇلى دەگەن باتىرىمىز تولىقتىرىپ وتىر. اتا-اناسىن, بارشا وبلىس تۇرعىندارىن شىن جٷرەكتەن قۇتتىقتايمىن. بالانىڭ باۋى بەرٸك بولسىن!
ٶزدەرٸڭٸز بٸلەتٸندەي, مەملەكەت باسشىسى قاسىم-جومارت كەمەلۇلى ەلدٸ قۇتتىقتاپ, سەلەمدەمەسٸن جولدادى. بٷگٸن پرەزيدەنتٸمٸزدٸڭ قۇتتىقتاۋىن سالتاناتتى تٷردە جەتكٸزۋ ٷشٸن كەلٸپ تۇرمىز. ۇلى دالا ٸرگەسٸ ۇرپاعىمەن بەرٸك.
قاسيەتتٸ تٷركٸستان ٶڭٸرٸندە قازاق ەلٸنٸڭ 20 ميلليونىنشى تۇرعىنى تۋعانىنا ٶتە قۋانىشتىمىز. بٸز باتىر انالارىمىزبەن ماقتانامىز. جىل سايىن رەسپۋبليكامىزدا دٷنيەگە كەلەتٸن 400 مىڭنان استام بالانىڭ ەربٸر جەتٸنشٸسٸ تٷركٸستان وبلىسىندا دٷنيەگە كەلەدٸ. بٷگٸندە وبلىس حالقىنىڭ سانى 2 ميلليوننان استى. تٷركٸستان ٶڭٸرٸ ەلٸمٸزدە ادام كاپيتالىن كٶبەيتۋگە ايرىقشا ٷلەس قوسىپ جاتىر.
20 ميلليونىنشى بالانى دٷنيەگە ەكەلگەن انانىڭ اتى-جٶنٸ – ٸزتٸلەۋوۆا گٷلميرا بەيسەنبايقىزى. تٶرت بالانىڭ اناسى 1988 جىلى ٶمٸرگە كەلگەن. جەتٸساي اۋدانى, اسىقاتا كەنتٸنٸڭ تۇرعىنى «جەڭٸس» مەكتەبٸندە بيولوگييا پەنٸنٸڭ مۇعالٸمٸ. ەكەسٸ – شاكەنوۆ ەرعالي اسقارۇلى. جالدامالى جۇمىسشى. نەرەستەنٸڭ سالماعى – 3400 گرامم, بويى – 51 سم.
ايتا كەتەيٸك, تٷركٸستان وبلىسى – ەلٸمٸزدەگٸ ەڭ دەموگرافيياسى جوعارى ايماق. وبلىستا 2022 جىلى 57 429 بالا دٷنيەگە كەلگەن. بيىل جىل باسىنان بەرٸ وبلىسىمىزدا 45 594 سەبي دٷنيە ەسٸگٸن اشتى. بىلتىر ٶڭٸردە 15 ٷشەم, 594 ەگٸز تۋسا, بيىل 5 ٷشەم, 500 ەگٸز قازاقستاننىڭ جاڭا ازاماتتارىنىڭ ساناتىنا قوسىلدى.
قازٸرگٸ تاڭدا, وبلىستا 177 مىڭنان اسا كٶپبالالى انا بار. ونىڭ ٸشٸندە 15 مىڭنان اسا «التىن القا» يەگەرٸ, 43 مىڭنان اسا «كٷمٸس القا» يەگەرٸ سانالى ۇرپاق ٶسٸرٸپ جاتىر. 2023 جىلعى 10 اي قورىتىندىسى بويىنشا ٶڭٸردە 8475 جۇپ نەكەگە تۇردى. جاڭا, جاس وتباسىلار سانى ارتۋدا.
2023 جىلعى 14 قاراشادا وبلىستا 139 بالا تۋدى. بارلىعىنا دا ساپالى مەديتسينالىق كٶمەك كٶرسەتٸلدٸ. وبلىس اۋماعىندا انا مەن بالا دەنساۋلىعىن جاقسارتۋ باعىتىندا اۋقىمدى جۇمىس جٷرۋدە. ٶڭٸردە 22 پەرزەنتحانا بار. مەديتسينالىق مەكەمەلەردٸڭ جاعدايىن جاقسارتۋ بويىنشا جۇمىس جالعاسادى.
