Ol ǵasyrlyq toiy jaqyndap qalǵan aǵa basylymnyń tarihyna qysqasha toqtalyp, onda talai arystar qoltańbalaryn qaldyrǵanyn, gazet qashanda halyq múddesi men eldikti jazyp kelgenin jáne aldaǵy ýaqytta da jańa talaptar deńgeiinen tabylatyndyǵyn aityp ótti. Ózderińiz bilesizder, qazirgi tańda buqaralyq aqparat quraldaryna jańa talaptar qoiylyp otyr. Media keńistikte básekelestik kúshine endi. Osyǵan barlyq buqaralyq aqparat quraldary ikemdelýi tiis. Bárinen buryn, jańa talaptarǵa bailanysty oqyrman talaptary da eskerilýi tiis. Aqparatty qysqa ári nusqa berý júzege asyrylýy kerek, degen D.Abaev, odan ári jýrnalister úshin aýditoriiany tereń zertteý, jazylar materialdardyń kólemin yqshamdaý, Internet saityn jetildirý sekildi de jańa talaptar qoidy. Sol siiaqty ministr gazettiń 100 jyldyǵyna daiyndalý barysyn, «Egemen» kitaphanasy» seriiasymen kitaptar shyǵarý sekildi máselelerge mán berdi. «Burynǵy basshy Erkin Qydyrǵa gazettiń jáne jalpy otandyq baspasózdiń damýyna qosqan úlesi úshin alǵys bildiremin. Buǵan deiin ózin bilikti basshy retinde kórsete bilgen Darhan Qydyráli ǵasyrlyq tarihy bar «Egemenniń» eldigimizdi nyǵaitý jolyndaǵy isterin odan ári jalǵastyryp, gazetti jańa deńgeige kóteredi dep senemin», – dedi ministr.
Budan keiin gazettiń burynǵy basshysy Erkin Qydyr jáne osy basylym basqarma tóraǵasynyń orynbasary – bas redaktor Janbolat Aýpbaev sóz alyp, ministrdiń alǵa qoiǵan tapsyrmalarynyń sózsiz júzege asatynyn, gazetti jańa talaptarǵa sai jaqsartý odan ári jalǵasyn taba beretindigin, bul jolda birlesip keleli jumys isteitindikterine úlken senim bildirdi.
"Egemen-aqparat"
