Aqtóbe turǵyny qalalyq aýrýhanany sotqa berdi. Dárigerler kishkentai búldirshinge bir ai boiy qajetti ota jasamai, nátijesinde ol múgedek bolyp qalǵan, dep habarlaidy Dalanews.kz.
Ótken maýsymda tórt jasar qyz qainaǵan sýdan kúiik shalyp, jambas-bókseci, aiaqtary zaqymdalǵan. Búldirshin shuǵyl túrde jansaqtaý bólimine jetkizilgen, oǵan dene betiniń 26-28 paiyzyn termiialyq kúiik shalǵan degen diagnoz qoiyldy.
Balaǵa aýtodermoplastika operatsiiasy qajet bolǵan. Biraq aýrýhanada jatqan bir ai ishinde oǵan eshqandai ota jasalmaǵan. Al munynyń sebebin "dermatomda" batareianyń joq bolýymen túsindirgen.
"Tekserý barysynda dermatomanyń bolmaýyna bailanysty bólim dárigerleriniń balaǵa ota jasaýǵa tehnikalyq múmkindikteri joq ekeni anyqtaldy. Meditsinalyq qurylǵynyń akkýmýliatorlarymen ýaqytyly qamtamasyz etilmegeni úshin bas dárigerdiń orynbasaryna sógis jariialandy", - dep habarlady oblystyq sot Azattyq ruhy basylymyna.
Anasy qyzyn aýrýhanadan alyp, Resei, Túrkiia, Almaty dárigerlerine júginýge májbúr bolǵan. Nátijesinde 26 shildede Orynborda operatsiia jasalǵan. Osylaisha qyz jeti jasyna deiin múgedektik aldy.
"Aýrýhanada kúiikke qarsy tósek-orynnyń, kóp komponentti jaqpa mailardyń, ota jasaý úshin "Dermatom" preparatynyń akkýmýliatorlarynyń jáne balany aýrýdy basatyn dárisiz kiindirýge arnalǵan akkýmýliatorlardyń joqtyǵyn kórsete otyryp, talapker materialdyq jáne moraldyq shyǵyndy óndirý týraly sotqa talap aryzben júgindi" dep túsindirdi sot.
Tergeý barysynda balalar ortoped-travmatology osy jasta balanyń kúiikteri ómirine qaýip tóndiredi degen qorytyndyǵa kelgen. Ýaqytyly jasalmaǵan operatsiia tyrtyq týdyryp, múgedektikke ákelýi múmkin.
Sonymen qatar dáriger baldyrǵanǵa durys meditsinalyq kómek kórsetilse, múgedektikti boldyrmaýǵa negiz bar edi degen pikirdi alǵa tartady.
Nátijesinde sot Aqtóbe aýrýhanasyn moraldyq shyǵyn retinde 10 million teńge jáne materialdyq shyǵyn úshin million teńgeden astam qarjyny mindettedi.
Sheshim áli zańdy kúshine engen joq.
