Danial Ahmetov: «ShQO mektepteri jergilikti taýar óndirýshiler jihazymen qamtylady»
Óńirde jihazdyń san túrin shyǵaratyn 34 kásiporyn jumys isteidi. Ónim sapasy sheteldikinen asyp túspese, kem emes. Degenmen, mektepter men balabaqshalar jáne oblystaǵy ózge áleýmettik nysandar jergilikti jihazdy tutyna bermeidi. Bul, álbette, aimaqtyq mazmunnyń tómendeýine sebep. Endigi mindet: olqylyqtyń ornyn toltyryp, ShQO taýar óndirýshilerin qoldaý.
– Árkez mektepterdi aralaǵanda olardyń bizde shyǵatyn jihazdy emes, ózgenikin qoldanatyny tańǵaldyrady. Biyl 7 mektep salynyp jatyr. Oǵan quiylǵan qarajat ta kólemdi. Sondyqtan aimaqtaǵy mektepter ózimizde shyǵatyn jihazdy alýy kerek. Sapaly, kóp qyzmetti mektepke arnalǵan jihaz jasai bastaǵan soń, densaýlyq saqtaý salasynyń nysandaryn qamti bastaimyz, – dedi oblys ákimi Danial Ahmetov.
Bir ǵana Óskemende 404 profildi kabinet oblys ákiminiń tapsyrmasy boiynsha halyqaralyq standartqa sai jergilikti kásipkerler shyǵaratyn jihazben jabdyqtalady. Dese de, basty másele – taýar sapasy. Osy maqsatta aldymen óńirde biryńǵai standart jasalýy tiis. Sondai-aq, budan bylai ShQO taýar óndirýshileri arnaiy nesie sharty boiynsha , iaǵni, 8 jylǵa 8,5 paiyzdyq ústememen qarjylai kómekke ie bolady. Ol úshin «Damý» qorymen ózara kelisimge mór basyldy.
