Búgin keshke JEO jóndeýmen, mamandandyrylǵan jabdyqtardy ornatýmen jáne jalpy jylý energetikasymen ainalysatyn kompaniialardyń basshylary oblys ákimine jylý kóziniń jai-kúiin jedel taldaý nátijelerin usynady. Osydan keiin ári qaraiǵy áreketterdiń algoritmi jasalady.
Óńir basshysy atap ótkendei, Ridderdegi JEO jóndeýge keshendi tásil qoldanylady - bul degenimiz barlyq alty qazandyq agregattar men jylý ortalyqtary kúrdeli jóndeýden ótpek. Aýqymdy jumystarǵa qarjy qarastyrylǵan, jabdyqtyń bir bóligi satyp alynǵan.
- Ridderdegi JEO kreditorlyq bereshegi úsh milliard teńgeden asady, - dedi Danial Ahmetov. - Tiisti talap aryzdar berildi jáne El Prezidentiniń tapsyrmasyn oryndaý sheńberinde, bálkim, qaryzdarǵa bailanysty JEO kommýnaldyq menshikke beriledi.
Óńir basshysy jylý ortalyǵyndaǵy barlyq jóndeý jumystary 15 qyrkúiekke deiin aiaqtalatynyn atap ótti.
